Joba jer telimderin paıdalanýdyń tıimdiligin, mal men qustyń ónimdiligin arttyrýǵa jáne jemshóp pen jaıylym jaǵdaıyn jaqsartýǵa múmkindik berý úshin aýyldar mańyndaǵy jer telimderin neǵurlym utymdy paıdalanýǵa baǵyttalǵan. Joba aıasynda aýyl turǵyndarynyń kásipkerlik bastamalaryn qarjylandyrý múmkindigi de týady.
«Pılottyq jobanyń nátıjesinde jeke kásipkerler sany 2 282 artyp, 589 jańa jumys oryndary ashylýy esebinen jumyssyzdar sany 194 adamǵa kemidi. Ataýly áleýmettik kómek alýshylar sany 1 058 otbasyǵa nemese 65%-ǵa azaıdy. Sonymen qatar joba aıasynda mal basy ulǵaıyp, et jáne sút óndirisi edáýir artty», dedi senator.
Atalǵan joba óziniń tıimdiligin dáleldep, Aýyl sharýashylyǵy, Eńbek jáne halyqty áleýmettik qorǵaý, Ulttyq ekonomıka mınıstrlikteriniń, sondaı-aq «Atameken» kásipkerler palatasynyń sarapshylary tarapynan joǵary baǵaǵa ıe boldy. Máýlen Áshimbaev osy jyldyń qańtar aıynda oblysqa jasaǵan sapary barysynda bul jobada kózdelgen mindetter Memleket basshysynyń 2022 jylǵy Joldaýynda kórsetilgenin de atap ótti.
«Joba jeke qosalqy sharýashylyqtardy qoldaýǵa negizdelgen. Pılottyq jobanyń aıasynda qosymsha 40 aýyldyq okrýgterindegi 4 000 jobany júzege asyrý úshin 20 mlrd teńge qarajat qajettiligi týyndaıdy. Joǵaryda aıtylǵandardy eskere otyryp, «Aýyl halqyna aýyl halqynyń tabysyn arttyrý jónindegi jobany masshtabtaýǵa mıkrokredıtter berý» bıýdjettik baǵdarlamasy aıasynda atalǵan somany respýblıkalyq bıýdjetten bólýge járdemdesýdi suraımyz», dedi Ábdáli Nuralıev.
