«Josparlaý prosesinde shyǵyndar ońtaılandyrylyp, bıýdjettiń teńgerimdiligi qamtamasyz etiledi. Jaqyn arada biz osy jylǵa arnalǵan respýblıkalyq bıýdjet shyǵystarynyń parametrleri men baǵyttaryn naqtylaı bastaımyz. Bul rette Prezıdenttiń saılaýaldy baǵdarlamasynda kórsetilgen bastamalary men tapsyrmalaryna basa nazar aýdarylady», dedi Erulan Jamaýbaev.
Mınıstr aldaǵy úsh jyldyq kezeńge arnalǵan respýblıkalyq bıýdjettiń jobasyn qalyptastyrý boıynsha jumys júrgiziletinin atap ótti.
«Munda bıýdjet qarajatynyń tıimdiligin arttyrý jáne memlekettik qarjynyń turaqtylyǵyn nyǵaıtý jónindegi tapsyrmalar mindetti túrde eskeriledi. Bul baǵyttaǵy júıeli sheshimder jańa Bıýdjet kodeksiniń jobasynda kórinis tabýy múmkin», dep túsindirdi Erulan Jamaýbaev.
