«О́zderińizge málim, men byltyr kúzdegi Joldaýymda Májilis pen máslıhattar saılaýy osy jyldyń birinshi jartysynda bolatynyn jarııaladym. Iаǵnı bul bastama aıtylǵan sátten saılaýǵa deıin jarty jyldan astam ýaqyt ótedi. Táýelsizdik jyldarynda saılaýǵa daıyndalý úshin kandıdattar men saıası partııalarǵa osynshama kóp ýaqyt berilgen emes», dep atap ótti Prezıdent.
Memleket basshysynyń aıtýynsha, Májilistiń jáne máslıhattardyń kezekten tys saılaýy – konstıtýsııalyq reformanyń jalǵasy. Eske sala ketsek, 2022 jyly ótken referendýmda Qazaqstan azamattary bul reformaǵa qoldaý bildirgen.
«Endi Májilis depýtattarynyń 70 paıyzy partııalyq tizim arqyly, al qalǵan 30 paıyzy bir mandatty okrýgterden saılanady. Oblystar men respýblıkalyq mańyzy bar qalalardaǵy máslıhat depýtattary da aralas júıe boıynsha saılanady. Depýtattardyń 50 paıyzy bir mandattyq júıe arqyly, 50 paıyzy partııalyq tizim boıynsha ótedi. Al aýdan jáne oblystyq mańyzy bar qalalardaǵy máslıhat saılaýynda azamattar bir mandatty okrýgterden shyqqan kandıdattarǵa daýys beredi», dep naqtylady Qasym-Jomart Toqaev.
El Prezıdenti atap ótkendeı, bıylǵy saılaýda Májilis pen máslıhattar jańa úlgi boıynsha jasaqtalady. Al saılaýshylardyń múddesi jalpyulttyq jáne aımaqtyq deńgeıde tolyq qorǵalady. Osylaısha, ókildi bılikke túrli kózqarastaǵy azamattardyń kelýine múmkindik týyp, azamattyq qoǵamnyń odan ári damýyna aıtarlyqtaı jaǵdaı jasalady.
