Kezdesý barysynda Prezıdentke ulttyq poshta operatorynyń damý strategııasy tanystyryldy.
Ásel Janasovanyń aıtýynsha, qarjylyq jaǵdaıdy ońaltý, áleýmettik bankti damytý jáne qarjylyq qyzmetterdiń rólin kúsheıtý, qoldanystaǵy ınfraqurylymdar bazasynda memlekettik qyzmetterdi usyný múmkindigin keńeıtý, sondaı-aq elektrondy kommersııa men halyqaralyq sálemdemelerge basa mán bere otyryp, dástúrli poshta bıznesiniń tıimdiligin arttyrý «Qazposhta» jumysynyń basym baǵyttary bolady.
Sonymen qatar Qasym-Jomart Toqaevqa bızneske aýyldyń árbir turǵynyna qyzmet kórsetý jáne taýar jetkizý múmkindigin berý úshin kompanııanyń ınfraqurylymyn, logıstıkalyq jáne bólimshelik jelisin damytýǵa qatysty jospary týraly málimet berildi.
Kezdesý sońynda Memleket basshysy aımaqtardaǵy poshta operatory jumysynyń áleýmettik mańyzdylyǵyna nazar aýdaryp, atalǵan baǵyttar jónindegi strategııany júzege asyrý isin jalǵastyrýdy tapsyrdy.