Tarıfti ınvestısııaǵa aıyrbastaý

Tabıǵı monopolııalardy retteý komıteti Atyraý oblysy boıynsha departamentiniń basshysy Álibek Tóleptiń aıtýynsha, Memleket bas­shy­synyń Joldaýynda «Tarıfti ınvestısııaǵa aıyrbastaý» jobasyn iske asyrý qozǵalǵan. Munyń túpki sebebi nede?

Máselen, Atyraý oblystyq energetıka jáne turǵyn úı-kommýnal­dyq sharýashylyq basqarmasy basshy­sy­nyń orynbasary Serikqalı Qana­pınniń deregine súıensek, mu­naıly óńirde 567,7 shaqyrym jylý jelisi bar. Qazir atalǵan je­li­niń 58,7 paıyzy tozǵan. Demek bul jedel jańartýdy qajet etetin jylý jelileriniń jartysynan asta­myn qurap otyr. Al 14 352 sha­qy­rym elektr jelileriniń tozý deńgeıi 40 pa­ıyzǵa jetken. Sýmen jab­dyq­taı­tyn 4 263 shaqyrym qu­byr­dyń 29 paıyzy tozǵany anyq­tal­ǵan.

– Tarıfti ınvestısııaǵa aıyrbastaý jobasyn iske asyrýdyń negiz­gi maqsaty – óńirdegi elektr qýa­tymen qamtamasyz etý jáne sý quby­ry jelileriniń, jylý kommýnı­ka­sııasynyń tozý deńgeıin tómen­detýge qol jetkizý. О́tken jyldyń jeltoqsan aıynda atalǵan tapsyrma boıynsha jańa zańǵa qol qoıyldy. Zań aıasynda birneshe problemany oń sheshý kózdelgen. Eń bastysy, óńirdegi monopolıst kom­pa­nııa­lardyń quzyryndaǵy jeli­ler­diń tozý deńgeıin tómendetý. Bul úshin aldymen monopolıst kompanııalardyń ınvestısııalyq baǵdarlamalaryn ulǵaıtý kerek. Jelilerdiń eskirýi – bir kúnde paıda bolǵan másele emes. Al ony tómendetý de bir jylda aıaqtalmaıtyny anyq. Son­dyq­tan qazirgi maqsatymyz – monopolıst kompanııalarǵa tıesili jelilerdiń tozý deńgeıin 15%-ǵa de­ıin tómendetý. Bul jumys kezeń-ke­zeńimen iske asatyn bolady, – deıdi Á.Tólep.

Munaıly shahar turǵyndaryn «Atyraý oblysy sý arnasy» KMK aýyz sýmen qamtamasyz etýdi júze­ge asyryp otyr. Osy saladaǵy jal­ǵyz kásiporyn tutynýshylarǵa jet­kiziletin aýyz sýdyń bir tekshe metri úshin 64 teńgeden alady. Sýdy Jaıyq ózeninen alatyn kásiporyn endi tarıfti 100 paıyzǵa kóte­rý­di kózdep otyr. Sol sebepten Ta­bıǵı monopolııalardy retteý ko­mı­tetiniń Atyraý oblysy boıyn­sha departamentine ótinim berdi. О́tinimde aldaǵy 5 jylǵa arnalǵan sý tarıfin kóterýdi suraǵan.

– Biz tarıfti kóterý úshin ótinim berdik. Usynysymyz qoldaý taýyp, tarıfti kóteremiz degen úmitimiz bar. О́ıtkeni sý tarıfi sońǵy ret 2015 jyly kóterilgen. Sodan beri tarıf kóterilgen joq. Kerisinshe, osy jyldar ishinde monopolııaǵa qarsy vedomstvo bizdiń tarıfimizdi 2 esege jýyq tómendetti, – dep túsindirdi «Atyraý oblysy Sý Arnasy» KMK dırektory Arman Kenjeǵalıev.

Onyń aıtýynsha, kásiporyn tutynýshy tólegen qarjydan paıda tappaı otyr. О́ıtkeni qarjylaı kiris tek jalaqy, salyqtar, kommýnaldyq qyzmetter jáne basqa da aýdarymdar sekildi aǵymdaǵy shyǵyndardy jabýǵa ǵana jetedi.

– Tutynýshylardy aýyz sýmen úzdiksiz qamtamasyz etýimiz qajet. Bul úshin bizdiń kásiporynnyń sý jet­kizetin jelileri men túrli jab­dyqtarynda aqaý bolmaǵany jón. Dál qazir bizdegi jeliler men jab­dyq­tar tozǵan. Ony jedel aýystyrý qajet. Búgingi tómen tarıfpen muny iske asyrý múmkin emes, – deıdi A.Kenjeǵalıev.

Atyraý oblysy