Oblys ortalyǵyndaǵy «Pavlodar Tehnopark» jáne «Dafa» JShS-leri otandyq ónim, qazaqstandyq úles degen shaqyrýlarǵa ún qosyp, kommýnaldyq sharýashylyq salasyna jáne aýylsharýashylyq jumystaryna kerekti tehnıkalar jasap shyǵarýda.
Mysaly, «Pavlodar Tehnopark» JShS bolsa, aýyl sharýashylyǵyna qajetti, naýqandyq jumystarǵa arnalǵan túrli tehnıkalar jasaıdy. Jáne de eski tehnıkalarǵa jóndeý jumystaryn júrgizedi. Al, biz arnaıy kórýge kelgen qala shetindegi «Dafa» seriktestigi aýyl sharýashylyǵy men kommýnaldyq salalarǵa qajetti qural-saımandar shyǵarady. Birneshe sehtardan turatyn kásiporynda MTZ markaly traktorlarǵa arnap qurastyrylatyn tirkemeli tyrnaýyshtar, shóp maıalaǵyshtar, traktor shómishteriniń, turǵyn úı-kommýnaldyq sharýashylyǵynda paıdalanylatyn kóshe tazalaǵysh quraldardyń túr-túri jasalady. Bári de arnaıy kıimde, qorǵanysh qalpaqtaryn kıgen. Bir shette dánekerleýshiler, endi bir sehta stanoktar damylsyz jumys isteýde. Seh ishinen biz jańa ǵana jasalyp shyqqan qar kúreıtin qurylǵyny kórdik. Jergilikti jerden shyqqan daıyn qural bizdiń kóz aldymyzda jasyl túske boıalyp jarqyrap shyǵa keldi. Traktordyń aldyna osy qurylǵyny ornatyp alyp, qysta qar basqan aýyldyń kóshelerin tazalap shyǵa alasyz. Kásiporyn dırektory Qaıyrbek Selıkanovtyń aıtýynsha, bul quraldardy, tehnıka túrlerin jasaý úshin bólshek temirlerin Qaraǵandydan, Reseıden ákelgenimen qazaqstandyq úles salmaǵy basym.
– «Dafa» jasaıtyn aýyl sharýashylyǵyna arnalǵan tehnıkalyq quraldar ózindik syzba jumystarymen, úlken jobalarmen jasalady. Arnaıy ruhsatymyz da bar. Bizdiń jumysshylarymyz tek sapaly ónim degen uranmen eńbek etedi. Kásiporynnyń tártibi, talaby sondaı. Eńbekaqylary jaqsy, ýaqtyly alady. О́zińiz de kórdińiz ǵoı jigitterdi, bári de óz isiniń sheberleri, – deıdi Qaıyrbek Qusanuly.
Al, bizdiń bir baıqaǵanymyz, kásiporyn ujymynyń basshylaryna degen erekshe syılastyqtary, iltıpattary boldy. Qarapaıym, sabyrly, jumsaq minezdi Qaıyrbek Qusanuly únemi jumysshylarmen seh ishinde, birge aralasyp, aqyldasyp júretin kórinedi. Zeınet jasyna jetse de, ózi qurǵan, ózi oılap tapqan qural-jabdyqtaryn, orys-qazaq aralasqan tatý-tátti eńbek ujymyn tastap ketkisi joq. Seriktestikte 37 adam eńbek etýde. Jylyna 150 mıllıon teńgeniń ónimderin shyǵarady. Sońǵy jyldary elimizdegi jáne jergilikti jerdegi aýylsharýashylyq qurylymdary «QazAgroQarjy» AQ arqyly «Dafanyń» qural-saımandaryn lızıng júıesi arqyly satyp alýda. Árıne, aýyl sharýashylyǵyna qajetti mundaı qural-jabdyqtarǵa suranystyń bolatynyn aıtpaı-aq túsinikti. Aldaǵy jyly «Dafa» Reseı naryǵyna shyǵýdy josparlap otyr.
– Qazir kásipkerge qoldaý kórsetýdi oılastyrýdamyz. Kásiporynnyń óndiristik talaptaryna saı keletin nysan qajet, –deıdi oblys ákiminiń orynbasary Nurjan Áshimbetov.
Ekinshi bir usynys, «Dafa» jekemenshiktiń qolyndaǵy óndiristik alańdy satyp alý úshin «Pavlodar» áleýmettik-kásipkerlik korporasııasymen memleket-jekemenshik seriktestigi negizinde birlesken kásiporyn qurý arqyly ǵımaratty satyp ala alady. Keıin kásipker ÁKK-den úlesin birtindep satyp alý arqyly kásiporyndy óz menshigine qaıtarady. Bul kúnderi Belarýstiń traktorlary arnaıy kúregish býldozerler, shóp maıalaǵyshtar, krandar, júk kótergishter, saban, shóp kóteretin qurylǵylar shyǵarylady. Árıne, aýyldyqtar, sharýa qojalyqtarynyń báriniń mundaı ámbebap traktordy satyp alýǵa múmkindikteri jete qoımaıdy. Sondyqtan, ónertapqysh kásipker Selıkanov «Belarýs» traktoryna ornatatyn aýylsharýashylyq qurylǵylaryn oılap tapqan. Sóıtip, Selıkanovtyń oılap tapqan «Dafasy» «Samuryq-Qazyna» AQ-ta elimizdegi jalǵyz qurastyrmaly otandyq taýar shyǵarýshy retinde tirkeýde tur. Qazir «Dafamen» «QazAgroQarjy»AQ, «AgroTehSentr-Garant», «Aqjol-Agro Bıznes», «SemAZ», «AgroMashHoldıng», «Dıqan» sııaqty kóptegen seriktestikter jumys jasaýda. Bıyl júzge jýyq qurastyrmaly qurylǵylar jasalady. Kásiporynnyń aldaǵy josparynda óndiristi keńeıtip, Keden odaǵy aıasynda reseılik «Spesoborýdovanıe-2» JShS kásipornymen birlesip aýyl sharýashylyǵyna arnalǵan tehnıkalar shyǵarýdy jalǵastyrý bolyp otyr.
– Bizdiń «Dafa» elimizde ótetin kóptegen kórmelerge qatysady. Kórmege aparǵan qural-jabdyq, qurylǵylarymyz túgeldeı satylyp ketedi. Otandyq ónimniń kózge jarqyrap kórinip turǵan sapasy, qajettiligi, jetistigi, jeńisi degen osy. Arqalap qaıtadan alyp kelgen kúnimiz bolǵan emes, – deıdi «Kóshbasshy óndirisshi» ataǵy bar Qaıyrbek Selıkanov.
Farıda BYQAI,
«Egemen Qazaqstan».
PAVLODAR.
Mysaly, «Pavlodar Tehnopark» JShS bolsa, aýyl sharýashylyǵyna qajetti, naýqandyq jumystarǵa arnalǵan túrli tehnıkalar jasaıdy. Jáne de eski tehnıkalarǵa jóndeý jumystaryn júrgizedi. Al, biz arnaıy kórýge kelgen qala shetindegi «Dafa» seriktestigi aýyl sharýashylyǵy men kommýnaldyq salalarǵa qajetti qural-saımandar shyǵarady. Birneshe sehtardan turatyn kásiporynda MTZ markaly traktorlarǵa arnap qurastyrylatyn tirkemeli tyrnaýyshtar, shóp maıalaǵyshtar, traktor shómishteriniń, turǵyn úı-kommýnaldyq sharýashylyǵynda paıdalanylatyn kóshe tazalaǵysh quraldardyń túr-túri jasalady. Bári de arnaıy kıimde, qorǵanysh qalpaqtaryn kıgen. Bir shette dánekerleýshiler, endi bir sehta stanoktar damylsyz jumys isteýde. Seh ishinen biz jańa ǵana jasalyp shyqqan qar kúreıtin qurylǵyny kórdik. Jergilikti jerden shyqqan daıyn qural bizdiń kóz aldymyzda jasyl túske boıalyp jarqyrap shyǵa keldi. Traktordyń aldyna osy qurylǵyny ornatyp alyp, qysta qar basqan aýyldyń kóshelerin tazalap shyǵa alasyz. Kásiporyn dırektory Qaıyrbek Selıkanovtyń aıtýynsha, bul quraldardy, tehnıka túrlerin jasaý úshin bólshek temirlerin Qaraǵandydan, Reseıden ákelgenimen qazaqstandyq úles salmaǵy basym.
– «Dafa» jasaıtyn aýyl sharýashylyǵyna arnalǵan tehnıkalyq quraldar ózindik syzba jumystarymen, úlken jobalarmen jasalady. Arnaıy ruhsatymyz da bar. Bizdiń jumysshylarymyz tek sapaly ónim degen uranmen eńbek etedi. Kásiporynnyń tártibi, talaby sondaı. Eńbekaqylary jaqsy, ýaqtyly alady. О́zińiz de kórdińiz ǵoı jigitterdi, bári de óz isiniń sheberleri, – deıdi Qaıyrbek Qusanuly.
Al, bizdiń bir baıqaǵanymyz, kásiporyn ujymynyń basshylaryna degen erekshe syılastyqtary, iltıpattary boldy. Qarapaıym, sabyrly, jumsaq minezdi Qaıyrbek Qusanuly únemi jumysshylarmen seh ishinde, birge aralasyp, aqyldasyp júretin kórinedi. Zeınet jasyna jetse de, ózi qurǵan, ózi oılap tapqan qural-jabdyqtaryn, orys-qazaq aralasqan tatý-tátti eńbek ujymyn tastap ketkisi joq. Seriktestikte 37 adam eńbek etýde. Jylyna 150 mıllıon teńgeniń ónimderin shyǵarady. Sońǵy jyldary elimizdegi jáne jergilikti jerdegi aýylsharýashylyq qurylymdary «QazAgroQarjy» AQ arqyly «Dafanyń» qural-saımandaryn lızıng júıesi arqyly satyp alýda. Árıne, aýyl sharýashylyǵyna qajetti mundaı qural-jabdyqtarǵa suranystyń bolatynyn aıtpaı-aq túsinikti. Aldaǵy jyly «Dafa» Reseı naryǵyna shyǵýdy josparlap otyr.
– Qazir kásipkerge qoldaý kórsetýdi oılastyrýdamyz. Kásiporynnyń óndiristik talaptaryna saı keletin nysan qajet, –deıdi oblys ákiminiń orynbasary Nurjan Áshimbetov.
Ekinshi bir usynys, «Dafa» jekemenshiktiń qolyndaǵy óndiristik alańdy satyp alý úshin «Pavlodar» áleýmettik-kásipkerlik korporasııasymen memleket-jekemenshik seriktestigi negizinde birlesken kásiporyn qurý arqyly ǵımaratty satyp ala alady. Keıin kásipker ÁKK-den úlesin birtindep satyp alý arqyly kásiporyndy óz menshigine qaıtarady. Bul kúnderi Belarýstiń traktorlary arnaıy kúregish býldozerler, shóp maıalaǵyshtar, krandar, júk kótergishter, saban, shóp kóteretin qurylǵylar shyǵarylady. Árıne, aýyldyqtar, sharýa qojalyqtarynyń báriniń mundaı ámbebap traktordy satyp alýǵa múmkindikteri jete qoımaıdy. Sondyqtan, ónertapqysh kásipker Selıkanov «Belarýs» traktoryna ornatatyn aýylsharýashylyq qurylǵylaryn oılap tapqan. Sóıtip, Selıkanovtyń oılap tapqan «Dafasy» «Samuryq-Qazyna» AQ-ta elimizdegi jalǵyz qurastyrmaly otandyq taýar shyǵarýshy retinde tirkeýde tur. Qazir «Dafamen» «QazAgroQarjy»AQ, «AgroTehSentr-Garant», «Aqjol-Agro Bıznes», «SemAZ», «AgroMashHoldıng», «Dıqan» sııaqty kóptegen seriktestikter jumys jasaýda. Bıyl júzge jýyq qurastyrmaly qurylǵylar jasalady. Kásiporynnyń aldaǵy josparynda óndiristi keńeıtip, Keden odaǵy aıasynda reseılik «Spesoborýdovanıe-2» JShS kásipornymen birlesip aýyl sharýashylyǵyna arnalǵan tehnıkalar shyǵarýdy jalǵastyrý bolyp otyr.
– Bizdiń «Dafa» elimizde ótetin kóptegen kórmelerge qatysady. Kórmege aparǵan qural-jabdyq, qurylǵylarymyz túgeldeı satylyp ketedi. Otandyq ónimniń kózge jarqyrap kórinip turǵan sapasy, qajettiligi, jetistigi, jeńisi degen osy. Arqalap qaıtadan alyp kelgen kúnimiz bolǵan emes, – deıdi «Kóshbasshy óndirisshi» ataǵy bar Qaıyrbek Selıkanov.
Farıda BYQAI,
«Egemen Qazaqstan».
PAVLODAR.
