Bul jaıynda Almatyda saıt jetekshileri jáne blogerlermen kezdesken Aqparat jáne qoǵamdyq damý mınıstri Darhan Qydyráli aıtyp berdi.
«Bul zań jobasy sheńberinde qoldanýshylardyń jaýapkershiligi kúsheıedi. Sheteldik platformalardyń qyzmeti qazaqstandyq zańnamaǵa sáıkes retteledi. Áleýmettik jeli ıeleri óz ınterfeısin qazaqstandyqtar úshin memlekettik tilde usynýǵa mindetteledi. Aqparatqa qol jetkizý máseleleri jónindegi zańǵa túzetýler ázirlendi. Usynylǵan ózgerister, azamattardyń aqparatqa qol jetkizý quqyǵyn zańsyz shektegen memlekettik organdardyń jaýapkershiligin kúsheıtedi», dedi mınıstr.
Buǵan qosa, mınıstr qazirgi ýaqytta dástúrli BAQ-tyń baǵyty konseptýaldy turǵyda ózgerip jatqanyn, sondyqtan mınıstrlik medıa zańnamanyń jańa jobasy jurtshylyq nazaryna usynylǵanyn atap ótip, ony belsendi talqylaýǵa shaqyrdy.
Darhan Qydyráli áńgime barysynda áriptesterine jalǵan aqparattyń taralmaýyna muqııat bolýdy, kontent sapasyna mán berýdi surady.
Erkin formatta ótken kezdesýde almatylyq kontent jasaýshylar mınıstrge saýaldaryn qoıyp, óz pikirlerin ortaǵa saldy.
