Shý aýdanyna qarasty Jańajol aýyldyq okrýgindegi «Eldorado» sharýa qojalyǵynyń sý aıdynynda ótken balyqshylar dodasyna óz isiniń qas sheberleri qatysyp, doda kórkin qyzdyra tústi.
Bul kúni balyqshylar ózara básekege túsip qana qoımaı, bir-birimen emen-jarqyn áńgimelesip, kókeıdegi oılaryn ortaǵa saldy. Týrnır qorytyndysynda Shatyrhan Kerimbekov pen Qaldarbek Sraıylov jarysqa belsene qatysqany úshin baǵaly syılyqtarǵa ıe bolsa, Ermahanbet Elýbaev úzdik úshtikten kórindi. Sondaı-aq Erjan Vahıtovke ekinshi júlde buıyrsa, Nurjan Qasqabaı birinshi oryndy, Sergeı Mansarın bas júldeni jeńip aldy.
«Jalpy alǵanda, aýdanymyzda balyqshylar dodasy ótken jyly alǵash ret qolǵa alynsa, bıyl laıyqty túrde jalǵasyn taýyp otyr. Qatysýshylar tarapynan qyzyǵýshylyqtyń zor ekenin aıqyn ańǵardyq. Taza aýadaǵy jarys ári demalys salamatty ómir saltyn qalyptastyrýǵa da zor yqpal etetini daýsyz. Is-sharany uıymdastyrǵan azamattarǵa rızamyn. Bastamanyń aldaǵy ýaqytta da sátimen jalǵasyn tabatynyna senimim kámil», deıdi Shý aýdany ákiminiń orynbasary Baqyt Aıazuly óz oıymen bólisip.
Jambyl oblysy,
Shý aýdany
