Kezdesý barysynda elimizde shahmatty damytý máseleleri talqylandy. Qasym-Jomart Toqaevqa jýyrda Qazaqstanda Halyqaralyq shahmat federasııasymen (FIDE) birlesip uıymdastyrylǵan halyqaralyq týrnırlerdiń qorytyndysy jóninde málimet berildi. Tımýr Týrlov fedarasııanyń aldaǵy kezeńge arnalǵan jospary týraly aıtty.
Atap aıtqanda, federasııa elimizdegi shahmat seksııalarynyń sanyn 2 ese, ıaǵnı 7 myńnan 14 myńǵa deıin ulǵaıtýdy, shahmatty odan ári dáripteý jumystaryn jalǵastyrýdy, osylaısha zııatkerlik ult qalyptastyrýǵa úles qosý jónindegi Prezıdent tapsyrmalaryn oryndaýdy kózdeıdi. Sondaı-aq federasııa Qazaqstan quramasy kóshbasshylarynyń áleýetin tanytýdy, jańa chempıondardy tárbıelep shyǵarýdy maqsat etip otyr. Memleket basshysyna álem chempıony ataǵy úshin bıyl 7 sáýir men 1 mamyr aralyǵynda Astanada ótetin shahmat jarysyna daıarlyq barysy týraly baıandaldy.
Qasym-Jomart Toqaev otandyq shahmat sheberleriniń halyqaralyq arenadaǵy jetistikterine joǵary baǵa berdi. Onyń aıtýynsha, elimizde álemniń úzdik shahmatshylarynyń qatysýymen iri jarystar uıymdastyrý balalar men jastar arasynda osy sport túriniń tanymaldylyǵyn arttyrýǵa yqpal etedi.
