Sheteldik avtokólikterdi zańdastyrý bastaldy

El Prezıdenti Joldaýda she­tel­dik kólikterge qatysty máse­lege nazar aýdarǵany esimizde.

– Keıbir jaqyn shetelderden ákelingen avtokólikterge qatysty túıtkilder barshaǵa málim. Zań aıasynan tys qalyp otyrǵan mundaı kólikter qoǵamdyq qaýipsizdikke qater tóndirýde. Zańsyz kólik ákeletin amal-tásildiń bárine tosqaýyl qoıý úshin batyl sharalar qabyldaý qajet. Al bıylǵy 1 qyrkúıekke deıin elge ákelingen avtokólikterge qatysty ahýal­dy retteý kerek. Olardy zańdastyrý maqsatynda ýtılızasııa jáne alǵashqy tirkeý úshin tólenetin qarjy kólemin 200-250 myń teńgeden asyrmaı, bárine birdeı jáne bir rettik alym alýdy usynamyn. Bul – izdeý salynbaǵan jáne keden rásimderinen ótken kólikterge ǵana qatysty shara, – degen bolatyn Memleket basshysy.

Prezıdenttiń tapsyrmasynan keıin kólik júrgizýshileri únimiz joǵaryǵa jetti dep qýanǵan edi. Solardyń qatarynda almatylyq Seıilbek Oljabekov te bar.
39 jastaǵy turǵyn keshe sheteldik kólikti zańdastyrǵan alǵashqy turǵyn atandy. Ol taqymyndaǵy Toyota Alphard-ty 2019 jyly Armenııadan ákelgen eken.

– Kópbalaly ákemin. Tabysymdy dál osy kólikpen tabamyn. Jo­laý­shylar tasymaldaımyn. Mem­le­­ket­tiń men sekildi júrgizýshiler betpe-bet kelgen máselege nazar aýdar­­ǵa­nyna qýanyshtymyn. Búgin al­ǵash­qy­lardyń biri bolyp kóligimdi zań­­dastyrdym. Bul – halyqqa berilgen tamasha múmkindik, – deıdi Seıilbek Oljabekov.

Osy oraıda «Azamattarǵa arnalǵan úkimet» memlekettik korpora­sııasy she­teldik avtokólikterdi zańdastyrý jumystaryn jyldam ári durys oryndaýdyń tıimdi tetikterin usyndy. Ol úshin eń aldymen kólik ıesi eGov.kz portaly arqyly derekterdi tekserýge ótinish berýi qajet. Muny derbes kompıýter arqyly isteýge bolady. Kompıýter joq bolsa, elimizdiń kez kelgen Halyqqa qyzmet kórsetý ortalyqtaryndaǵy ózine-ózi qyzmet kórsetý sektory arqyly ótinish berýge múmkindik bar. Bul rette atalǵan qyzmetti ekinshi deńgeıli bankterdiń qosymshalary («Kaspi», «HomeBank») arqyly alý tetikteri pysyqtalyp jatqanyn eske salamyz. Sondaı-aq avtokóliktiń tirkeý derekteri qatesiz toltyrylýy qajet.

Berilgen ótinimdi Ishki ister mı­nıstrligi qaraıdy. Kólik ıesiniń jeke ka­bınetine ótinishten bas tartý týraly habarlama kelse, sebebin bilý úshin Mamandandyrylǵan halyqqa qyzmet kórsetý ortalyqtaryna barý­dyń qajeti joq. Durysy tikeleı mem­lekettik organǵa habarlasqan abzal. Al ótinish qabyldanǵan bolsa, avtokólikti tekserý úshin Maman­dan­dyrylǵan halyqqa qyzmet kórsetý ortalyǵyna onlaın kezekke turý qajet. Ol úshin mártebe paraǵynda «kezekke turý» batyrmasyn basyp, mekenjaılar tiziminde kórsetilgen ortalyqtardyń birin tańdap, sonyńda kúni men ýaqytyn belgileý kerek. Aldyn ala onlaın kezekke turmaǵan jaǵdaıda, azamattarǵa qyzmet kórsetilmeıdi. Osyny qaperde ustaǵan abzal.

Zańdastyrýǵa ruqsat alǵan avto­kólikti Mamandandyrylǵan ha­lyqqa qyzmet kórsetý ortaly­ǵy­nyń tekserý pýnktine belgilengen ýaqyttan 20 mınýt buryn ákelý kerek. Talondy tekserý pýnktinde nemese Halyqqa qyzmet kórsetý ortalyǵynyń mo­bıldi qosymshasy arqyly alýǵa bolady.

Tekserýdi tolyq ótkennen keıin, avtokólikti tirkeý úshin Maman­dan­dyrylǵan halyqqa qyzmet kórsetý ortalyǵynyń ǵımaratyna ótý kerek. Odan ári qyzmetkerge avto­kó­likke menshik quqyǵyn rastaıtyn qujattyń túpnusqasyn jáne kóliktiń sheteldik tehnıkalyq pas­portyn tapsyrý mańyzdy. Osydan keıin alǵashqy tirkeý úshin 200 myń teńge, tehpasport úshin memlekettik baj (4 313 teńge), memlekettik nómir úshin 9 660 teńge mólsherinde qar­jy tóleısiz. Tólemdi QR arqyly orta­­lyqta tóleýge múmkindik bar. Tólem júrgizilgennen keıin sol kúni kólik ıesine tehnıkalyq pasport jáne Qazaqstan Respýblıkasynyń memlekettik nómirlik belgileri be­ri­ledi.

О́zderińiz biletindeı, sheteldik avtokólikterdi zańdastyrý jumys­tary bir rettik aksııa retinde uıym­­das­tyrylyp jatyr. Bul erejeler 2023 jyldyń 1 shildesine deıin kúshinde bolady jáne jeńil avtokó­lik­terge, shaǵyn, orta avtobýs­tarǵa (tolyq salmaǵy 5 tonnaǵa deıin) jáne shaǵyn júk avtokólikterine (tolyq salmaǵy 3,5 tonnaǵa deıin), onyń ishinde basqarý organdarynyń oń jaqta ornalasýyna qatysty qol­da­nylady. Tirkeletin sheteldik avto­kó­likterge ja­syna jáne eko­lo­gııalyq synybyna talaptar qo­ıyl­maı­dy.

О́tken jyldyń qazan aıynda Ishki ister mınıstri Marat Ahmetjanov 2022 jyldyń 1 qyrkúıegine deıin eli­mizge 300 myńnan asa sheteldik kólik kelgenin aıtqan edi.