Aldaǵy saılaýdyń – Májiliske depýtattar bir mandatty okrýgter arqyly da saılanatyny, úmitkerlerdiń ózin ózi usynýyna múmkindik berilýi, áıelder, jastar jáne erekshe muqtajdyǵy bar adamdar úshin kvota qarastyrylýy, oblystardaǵy aımaqtyq saılaý komıssııalary kásibı túrde jumys isteıtini sekildi basqa da birqatar ereksheligi qoǵam tarapynan qoldaýǵa ıe boldy.
Memleket basshysy: «Saıası jańǵyrý bolmasa, elimizdi ornyqty damytý, aýqymdy áleýmettik-ekonomıkalyq ózgeris jasaý múmkin emes», dep atap ótken bolatyn. Bul rette azamattardyń memleketti basqarý isine qatysýy óte mańyzdy. Ony saılaý úderisinen de kórýge bolady. Ásirese, memleketimizdiń ınstıtýsıonaldyq tuǵyryn nyǵaıtyp, Parlamenttiń rólin arttyrý mańyzdy bolyp otyrǵan qazirgi kezeńde halyqtyń senim mandatyna ıe bolatyn depýtattarǵa zor úmit artamyz. Qazaq eliniń qaryshtap damýy men órkendeýine, jańa memlekettik modelin qalyptastyrýǵa baǵyttalǵan batyl bastamalardy kútemiz.
Bul saıası naýqan elimizdiń damýy úshin erekshe mańyzdy. Saılaýǵa qatysý arqyly azamattyq paryzymyzdy atqaryp, bolashaǵymyzǵa laıyqty tańdaý jasaımyz. Jańarý men jańǵyrý jolyndaǵy Qazaqstandy qurý – árqaısysymyzdyń qolymyzda.
Gúlzada ShAKÝLIKOVA,
«S.О́tebaev atyndaǵy Atyraý munaı jáne gaz ýnıversıteti» KeAQ basqarma tóraǵasy-rektor
