Jas jigittiń aıtýy boıynsha, belgisiz úsh jigit ony páterge kúshpen kirgizip, denesin jaraqattap, keıin pyshaqpen qorqyttqan. Ondaǵy maqsattary - úlken mólsherde qarajat talap etý. Jaǵdaıdy egjeı-tegjeıli anyqtaǵan jedel ýákilder jábirlenýshiniń buǵan deıin VKontakte áleýmettik jelisinde qyzben tanysqanyn anyqtady. Al alǵashqy kezdesýden keıin ony bopsalaýshylar «ustap alǵan». Jábirlenýshide talap etilgen soma bolmaǵandyqtan, qaskóıler onyń telefonyndaǵy bankterdiń qoldanystaǵy qosymshalary arqyly eki onlaın-nesıe rásimdep, jábirlenýshini únemi ózderiniń baqylaýynda ustap, jaqyn mańdaǵy bankomattardan aqshany sheship alǵan. Qolma-qol aqsha bergen jas jigit birden polısııaǵa júgingen.
«Atalǵan derek QR QK-niń 194-baby 2-bóligi (Bopsalaý) boıynsha sotqa deıingi tergep-tekserýlerdiń biryńǵaı tiziliminde tirkeldi. Kókshetaýda arnaıy operasııa nátıjesinde uıymdasqan qylmysqa qarsy kúres basqarmasynyń qyzmetkerleri kúdiktilerdi ustady. Oblys ortalyǵynyń 25 jastaǵy turǵyny, top jetekshisine qatysty «qamaýda ustaý» bultartpaý sharasy taǵaıyndaldy. Taǵy eki qatysýshyǵa qatysty shara qabyldanyp, qylmystyq isti tergeý jalǵasyp jatyr», dep jazylǵan habarlamada.
