«Rıdderdegi JES-ke Qazaqstandyq jańa ınvestor keldi. Sharttar maǵan áli belgisiz. О́ıtkeni bul qupııa aqparat jáne ony jeke menshik ıeleri zańǵa sáıkes ózara jasaıdy. Qazir JES-tiń jańa ıesi bar jáne biz onymen birge jumys isteımiz», dedi Danıal Ahmetov.
Sonymen qatar ShQO ákimi óz sózinde, jańa basshynyń tıimdi qyzmet etetine senim bildiretinin aıtty.
«Kelisim shartqa saı, ol jaqyn arada kúrdeli jumystarǵa arnalǵan keminde 7 mlrd teńge mólsherindegi rezervti bank anyqtamasyn tapsyrýy kerek», dep atap ótti ol.
Sondaı-aq ol Qazaqstan zańy jeke menshik qyzmetine, tipti qıyn jaǵdalaılarda da tikeleı aralasýǵa múmkindik bermeıtinin aıtty.
«Biz quqyqtyq memlekette jumys isteımiz, sondyqtan jaǵdaı osyndaı. Meniń oıymsha, Energetıka mınıstrligi mańyzdy jaǵdaılarda menshik nysany máselelerine aralasýǵa múmkindik beretin tıisti ózgerister engizýi kerek», dep naqtylady ShQO ákimi.
Osy rette ol ótken beısenbide Rıdderdegi JES-te órt bolǵanyn eske sala ketti.
«Biz táýlik boıy jumys júrgizilýin uıymdastyrdyq. Búgin kúnniń sońyna qaraı birinshi kezek aıaqtalady. 180 metr kómir berý konveıeri qalpyna keltiriledi, erteń keshke qaraı birinshi jol iske qosylady. Biz shynymen de mańyzdy sharalar qabyldadyq. Temperatýrany ustap turý úshin kómirdi 70 tonnalyq kran arqyly berdik. Shatyrda oıyq jasap, 100-den astam adamdy ornalastyrý arqyly kún saıyn 240 tonna kómir tasymaldadyq. О́ıtkeni bizde basqa amal bolǵan joq. Eger olaı etpesek, óte qıyn jaǵdaıǵa tap bolar edik», dep qorytyndylady sózin Danıal Ahmetov.
Buǵan deıin Shyǵys Qazaqstan oblysy ákimdiginiń baspasóz qyzmeti quqyq qorǵaý organdary tergeý júrgizip jatqanyn, onyń nátıjeleri boıynsha Rıdder JES memlekettik menshikke ótetinin nemese Rıdder turǵyndary aldyndaǵy barlyq mindettemelerdi oryndaı alatyn jáne qaryzdardy jaýyp qana qoımaı, jabdyqtar men jelilerge kúrdeli jóndeý júrgize alatyn ınvestorǵa beriletinin málimdegen edi.
ShQO ákiminiń aıtýynsha, órt kásiporyn ıeleriniń jaýapsyzdyǵynan bolǵan.
Aıtolǵan JÚNISHAN,
L.N. Gýmılev atyndaǵy EUÝ stýdenti
