Atalǵan dodaǵa bizdiń Bıbisara Asaýbaeva da qatysady. Onyń osyndaı qurmetke bólenýi tegin emes. Kezinde túrli jas erekshelikteri boıynsha álem jáne qurlyq birinshilikterinde san márte bas júldeni oljalaǵan 18 jastaǵy qazaq qyzy áıelder arasynda da orasan zor tabystarǵa qol jetkizip úlgerdi. Atap aıtsaq, 2021 jáne 2022 jyldary qatarynan eki ret blısten álem chempıony atandy. Byltyr rapıdten álem birinshiliginiń kúmis medalin ıelendi. Sol jyly Azııanyń eń úzdik shahmatshysy dep tanyldy. Bıbisara basqa da asa iri halyqaralyq jarystarda oljaǵa kenelip júr.
Asaýbaevadan bólek, Máskeýdegi týrnırde Teımýr Radjabov (Ázerbaıjan), Fransısko Valeho (Ispanııa), Raýnak Sadhvanı (Úndistan), Sergeı Karıakın, Aleksandr Grıshýk, Sanan Sıýgırov, Vladıslav Artemev, Aleksandra Gorıachkına jáne Ekaterına Lagno (Reseı) syndy grossmeısterler óz ónerlerin ortaǵa salyp jatyr.
