Ekibastuz qalasy ákimdiginiń habarlaýynsha, Selınnaıa, 75, Buqar jyraý, 168, 291A, Keńshiler-Molodejnaıa, Astana, 34 kóshelerindegi nysandar jylý berýden ýaqytsha ajyratylady. Jylý jelilerindegi aqaýdy jóndeý jumystaryna baılanysty 174 turǵyn úı men toǵyz zańdy nysan jylýsyz qalady. Jóndeý jumystary 3 saǵattan 10 saǵatqa deıin sozylady.
«Barlyq jóndeý jumystary aıaqtalǵannan keıin jylý berý qalpyna keltiriledi», dep habarlady qala ákimdiginen.
Aıta keteıik, ekibastuzdyqtarǵa qańtar aıynda jylý aqysyn qaıta esepteýge ýáde berilgen. Bul týraly «Ekibastuzteploenergo» JShS bas dırektorynyń mindetin atqarýshy Dmıtrıı Zaharov aıtty.
Onyń aıtýynsha, qazandyq agregattarynyń úzdiksiz jumysyn qamtamasyz etý jáne parametrlerin turaqtandyrý maqsatynda stansııada negizgi jáne qosalqy jabdyqtardy jóndeý jumystary júrgizilip otyr.
Kásiporyn tutynýshylarǵa esep aıyrysý aıy jabylyp, eseptelgennen keıin 10 aqpanǵa deıin jylýmen jabdyqtaý qyzmetiniń qunyn qaıta esepteý algorıtmin berýge ýáde berip otyr.
