«Qazaqstan Respýblıkasynyń aýmaǵynan kóliktiń barlyq túrlerimen janar-jaǵarmaıdy, ǵylymı-zertteý jumystaryna arnalǵan avıasııalyq janarmaıdy qospaǵanda, avtokólikterdi óndirýshi usynǵan gaz sısternalarynda eksporttaýdy qospaǵanda benzındi, dızeldik otyndy jáne munaı ónimderiniń jekelegen túrlerin elden áketýge tórt aı merzimge tyıym salynsyn», delingen qujatta.
Buıryq jobasy Ashyq NQA saıtynda 31 qańtarǵa deıin ornalastyrylǵan.
2023 jyldyń 20 qańtarynda Energetıka mınıstriniń, Qarjy mınıstriniń, Ishki ister mınıstriniń jáne Ulttyq qaýipsizdik komıteti tóraǵasynyń birlesken buıryǵymen elimizde janar-jaǵarmaıdy avtomobıl kóligimen eksporttaýǵa tyıym salý merzimi uzartyldy.
Sol kúni Premer-mınıstr Álıhan Smaıylov ishki naryqty janar-jaǵarmaımen qamtamasyz etý máseleleri boıynsha keńes ótkizgen edi. Ol Energetıka mınıstrligine múddeli memlekettik organdarmen birlese otyryp, baqylaýdy kúsheıtý jáne elden zańsyz otyn eksportyn toqtatý boıynsha sheshýshi sharalar qabyldaýdy tapsyrdy.
