Jas keńestiń kóshpeli otyrysy

«Arystandaı aıbatty, Jol­barystaı qaıratty, Qy­ran­daı kúshti qanaty, Men jastarǵa senemin!». Maǵjan aıtqan osynaý jyrdyń túbinde árbir býyn­nyń úkili armany jatyr. Zaman ózgerer. О́zgeshe óńge ener. Adamdar túrli tehnıkany meńge­rer. Biraq jastarǵa degen senimi aqyn sózindeı bolyp qala bermek. О́ıtkeni, jastar degenimiz – bo­lashaq. Prezıdent janynda Jastar saıasaty jónindegi keńes jumys isteıdi. Bul – Elbasy jastar saıa­satyn jiti baqylap, olardyń máselesin únemi nazarda ustap otyr degen sóz. Mine, osy jas keńestiń kóshpeli otyrysy Qyzylordada ótti. Keńes tóraǵasy, Prezıdent Ákimshiligi Basshysynyń orynbasary Ǵabıdolla Ábdirahymov bastaǵan jastar Syr óńirine arnaıy kelip, aımaqtaǵy jastar má­se­le­simen tanysty, májilis qurdy. Jaqsynyń jaqsylyǵyn aıtý paryz. Qyrymbek Kósherbaev Qy­zylorda oblysyna ákim bolyp taǵaıyndalǵannan bastap jas­tarǵa erekshe kóńil bóldi. Ásirese, olardyń bilim alýyna bar jaǵdaıdy jasap jatyr. Aı­talyq, byltyr ákim áleýmettik jaǵdaıy tómen otbasylardan shyqqan balalarǵa, mańdaıy jarqyrap tursa da bilim alýǵa shamasy kelmeıtin jastarǵa arnaıy grant bóldi. Sonyń arqasynda júzden astam bala oqýǵa túsip, bilim jıyp jatyr. Bıyl bul granttyń sany 300-ge jetip otyr. Budan bólek, osy jyly mektep bitirgen 153 túlek Máskeý ulttyq tehnologııalar ýnıversıtetinde oqymaq. Túlekterdiń barlyǵy osy ýnıversıtettiń esebinen bilim alady. Aımaqta metallýrgııalyq klasterdi damytý qolǵa alyndy. Myna 153 bala osy salanyń mamandary bolyp shyqpaq. Bul ózgeniń esebinen ózimizge maman daıarlaýdyń eń bir ádemi kórinisi dep bilemiz. Jas keńestiń jumysy sheń­berinde Ǵabıdolla Ábdirahymov pen Qyrymbek Kósherbaev osy 153 túlekpen jolyǵyp, suhbat qur­dy. Aımaq basshysy oblystyń áleý­mettik-ekonomıkalyq jaǵ­daıy týrasynda, elde atqarylyp jatqan sharýalar jaıynda baıandady. Máskeýde bilim alýǵa bara jatqan jastarǵa aq jol tilep, batasyn berdi. Al Ǵabıdolla Rahmetollauly óziniń «Bolashaq» baǵdarlamasy boıynsha bilim alǵanyn, alys saparǵa shyqqaly otyrǵan jastardyń qandaı kóńil kúıde ekenin jaqsy túsinetinin aıtty. Sheteldikter osy jastar arqyly bizdiń memleketimizdi tanıtynyn jetkizdi. Jan-jaqty bilim alyp, elge myqty maman bolyp oralýlaryna tilektestik bildirdi. Oqýǵa ketip bara jatqan bir túlek Qyrymbek Eleýulyna ádemi suraq qoıdy. Ol: «Biz metallýrgııa salasy boıynsha bilim alýǵa bara jatyrmyz. Buıyrtsa, bes jyldan soń elge oralamyz. Sol kezde jumyspen qamtý jaıy qalaı bolmaq?» dep surady. Oblys ákimi Úkimet Qyzylorda ob­ly­­synda metallýrgııalyq klas­­ter­di damytýdyń jobasyn maqul­daǵanyn málim etti. – Sol joba boıynsha qyraýar sharýa atqarylmaq. Kóptegen zaýyttar salynady. Sender bilim alyp kelgenshe, biz de jumystaryńdy daıyndap qoıamyz,– dep jaýap berdi. 2005 jyldan beri qaraı elimizde «Jasyl el» baǵdarlamasy jumys istep keledi. Bul – oqýshylar men stýdentterdi, eki qolǵa bir kúrek tappaı júrgen jastardy jumyspen qamtıtyn joba. «Jasyl eldiń» jasaqtary elimizdi kógaldandyrý maqsatynda qyrýar jumys atqaryp jatyr. Jastar saıasaty jónindegi keńestiń Qyzylorda oblysyndaǵy kóshpeli otyrysy osy baǵdarlamaǵa arnaldy. Májiliste sóz alǵan Bilim jáne ǵylym vıse-mınıstri Tahır Balyqbaev «Jasyl el» boıynsha atqarylǵan jumystarǵa jan-jaqty toqtaldy. Baǵdarlama iske asqannan beri 200 myńnan astam jas jumyspen qamtylǵan. Olar 44 mıllıon aǵash egip, 114 myń gektar jerdi kógaldandyrypty. Osynyń ózinen-aq baǵdarlamanyń elge paıdaly ekenin kórýge bolady. Bolashaqta baǵdarlama boıynsha bólinetin qarjyny arttyryp, jastardyń jalaqsyn kóterýdi kózdep otyrǵandaryn baıan etti. Aqtóbe, Almaty, Qyzylorda oblystarynda baǵdarlamanyń nátıjeli jumys istep jatqanyn aıtty. Al Pavlodar, Ońtústik Qazaqstan, Atyraý oblystarynda «Jasyl eldiń» jumysyn jandandyrý kerektigin basa kórsetti. Jıyn barysynda sóz alǵan Qyzylorda oblysy ákiminiń orynbasary Aqmaral Álnazarova aımaqtaǵy jastar máselesi jaıynda tushymdy baıandama jasady. Sońǵy jyldary oblystaǵy jas­tar uıymdaryn qarjylandyrý 3 esege ósken. Osynyń arqasynda jastar saıasatymen aınalysatyn uıymdar kóbeıgen. Jastardy qoldaý ortalyǵy ashylyp, sport keshenderi salynyp, jańa jataqhanalar paıdalanýǵa berilgen. Al «Jasyl el» jasaq­tarynyń sany eki esege artqan. Qysqasy, aımaqta jastarǵa aıtarlyqtaı kóńil bólinip jatyr eken. Jastar saıasaty jónindegi keńeste «Jasyl el» baǵdarlamasy barysyndaǵy birshama prob­lemalar aıtyldy. Ásirese, qarjylandyrý máselesiniń qolbaılaý bolyp turǵanyn bildik. Ǵabıdolla Ábdirahymov bul máseleniń sheshiletinin, Úkimetke arnaıy usynys jasaıtyndaryn jetkizdi. Erjan BAITILES, «Egemen Qazaqstan». QYZYLORDA.