Qostanaı oblysy boıynsha Qarjy monıtorıngi agenttiginiń baspasóz qyzmetiniń habarlaýynsha, «KZobmen.com», «1WM.KZ», «Kazobmen.ru», «WM007.KZ», «KZ-EXCHANGE.COM» krıpto aıyrbastaý pýnktteri arqyly AHQO alańynan tys, sıfrlyq aktıvtermen tyıym salynǵan, asa iri mólsherde tabys tabýmen ushtasqan kásipkerlik qyzmetti júzege asyrǵan azamattardyń qylmystyq áreketiniń joly kesildi.
«Júrgizilgen JISh nátıjesinde 6 mekenjaı boıynsha sanksııalanǵan tintý júrgizildi, onyń barysynda joǵaryda kórsetilgen krıpto aıyrbastaý pýnktteriniń uıymdastyrýshylaryn áshkereleıtin zattar: Noýtbýkter, monobloktar, uıaly telefondar, banktik jáne býhgalterlik qujattar, qylmystyq qyzmetti júzege asyrý kezinde paıdalanylatyn krıptoámııan kiltteri (flesh-kartalar) alyndy. Binance platformasynda 2 krıptoámııanda 6 000 AQSh dollary kólemindegi krıptoaktıvter anyqtalyp, olarǵa ýaqytsha shekteýler ornatyldy. Basqa krıptobırjalarda ornalasqan taǵy 200 000 dollardan astam krıptoaktıvter tabyldy», delingen vedomstvo habarlamasynda.
Sotqa deıingi tergep-tekserý jumystary júrgizilip jatyr. О́zge aqparat jarııa etýge jatpaıdy.
Qarjylyq monıtorıng agenttigi kórsetilgen qyzmet túrine tıisti lısenzııa bolǵan jaǵdaıda Astana qalasynda AHQO aýmaǵynda ǵana ruqsat etilgenin eskertedi.
