Aqparattar aǵyny

* Elimizde 2020 jylǵa deıin 45 mln. sharshy metr turǵyn úı salynady. Bul týraly Prezıdent janyndaǵy Ortalyq kommýnıkasııalar qyzmetinde ótken brıfıngte taratylǵan habarlamada aıtylǵan. Osy ýaqyt araly­ǵynda qalalardyń 97 paıyzy, aýyldyq eldi mekenderdiń 75 paıyzy ortalyqtandyrylǵan sýmen jabdyqtalady. * Qazaqstan balansynda altynnyń 2 myń tonnalyq qory bar. Keshe bul týraly málimdegen Indýstrııa já­ne jańa tehnologııalar mı­nıstrligi geologııa jáne jer qoınaýyn paıdalaný komı­te­tiniń tóraǵasy Bazarbaı Nura­baev osyǵan qatysty kenish­terdiń 76 paıyzy paıdalanylyp jatqanyn aıtty. Búginde memleket balansynda 321 altyn ken orny tirkelgen. * Qostanaıda jyl sońy­na deıin metall ılek zaýyty qatarǵa qosy­la­dy. Mu­ny jetkizgen oblys­tyq kásip­kerlik jáne ındýs­trııa­­lyq-ınnovasııalyq da­mý basqarmasynyń bólim bas­­tyǵy Talǵat Maıshın ja­ńa óndiristiń jobalyq qýat­tylyǵy jylyna 15 myń tonna metall ılekteý ekenin atap ótti. Mundaǵy usaq sortty me­tall ónimderi segiz peshte shy­ǵarylady. * Shymkent sahnasyn­da álem operasynyń jaý­har­lary oryndaldy. Ońtús­tik Qazaqstan oblystyq opera jáne balet teatry ujy­my­nyń kórermen nazaryna usynǵan týyndylary qata­rynda  «Qamar sulý» operasy da boldy. Dırıjer Rústem Rys­maǵanbetov jetekshilik etken sımfonııalyq orkestr­diń súıemeldeýimen sheber atqarylǵan týyndyny óner­súıer qaýym jyly qabyldady. * Shyǵys Qazaqstan obly­synyń bir top jetim balalary Qara teńiz jaǵalaýynda demalady. Osy aımaqtyń elden tys jerlerde turatyn 75 týmasy syıǵa tartqan 157 joldama-sertıfıkatty búl­dir­shinderge О́skemende ótken birinshi Jerlester forýmynda oblys ákimi Berdibek Saparbaev pen Reseı Federasııasy Ǵy­lym, bilim, mádenıet jáne aq­parattyq saıasat jónindegi federasııa keńesi komıtetiniń tóraıymy Zınaıda Dragýnkına tapsyrdy. * Kókshetaýda densaýlyq saqtaý salasynyń úzdikteri mara­patqa ıe boldy. Dári­ger­­lerdiń tól merekesi qar­sańynda ótken saltanatty jıyn­ǵa qa­tysqan Aqmola obly­synyń ákimi Sergeı Kýla­gın keshe medısınalyq mekemeler basshylaryna 7 jańa kóliktiń kiltin tabys etti. * Pavlodardyń qoǵamdyq kólikterine elektrondy jo­laqy tólemi júıesi engi­zi­lýde. Qaladaǵy úsh iri tasymaldaýshy mekeme qyzyǵýshylyq tanytyp otyrǵan bul jobaǵa «SMART CARD SYSTEM» JShS ınvestısııa quıýdy óz min­detine aldy. «QazAqparat», 24KZ, Otyrar.kz, Alau.kz, Altaynews.kz, Egemen.kz agenttikteri men Pavlodar oblysy ákimdigi saıttary derekteri boıynsha daıyndaldy.