«20 qańtarda Saryaǵash APB-ǵa ortalyq aýrýhanadan jergilikti turǵynnyń sirke sýyna ýlanyp túskeni týraly habarlama keldi. Polısııa qyzmetkerleri birden oqıǵa ornyna shyqty. Anyqtalǵandaı, jábirlenýshi aýdan mektepteriniń birinde qyzmet isteıdi. Atalǵan derek QR QK-niń 105-baby 1-bóligi «О́zin-ózi óltirýge deıin jetkizý» boıynsha tirkeldi», delingen Polisia.kz taratqan habarlamada.
Qajetti tergeý áreketteri júrgiziledi jáne bolǵan oqıǵanyń barlyq mán-jaıy anyqtalady.
Jábirlenýshige qatysty sot-medısınalyq saraptama taǵaıyndaldy. Sotqa deıingi jan-jaqty tergeý júrip jatyr.
