«Salmaqty saıası kúshter halyqtyń muń-muqtajyn eskerip, naqty máselelerin sheshýge erekshe nazar aýdarady. Áleýmettik mańyzy bar ıdeıalar men bastamalarǵa barynsha kóńil bóledi. Elimizdegi partııalardyń kópshiliginde memleketshildik ustanym bar. Bul – jaqsylyqtyń nyshany», dedi Prezıdent.
Memleket basshysynyń aıtýynsha, aldaǵy saılaýda partııalardyń bárine birdeı múmkindik beriledi.
«Jurt jaqynda óz tańdaýyn jasaıdy dep senemin. Aldaǵy saılaýda partııalardyń bárine birdeı múmkindik beriledi. Ákimder qandaı da bir saıası uıymǵa jetekshilik ete almaıdy. Ata zańǵa engizilgen ózgeriske sáıkes Prezıdent barlyq saıası kúshten tysqary turýǵa tıis. Májilis pen máslıhat saılaýy jańa ári ádil ereje boıynsha ótedi.
Aldaǵy saılaýdy Qazaqstan parlamentarızmi tarıhyndaǵy jańa kezeńniń bastaýy deýge bolady. Qoǵamnyń túrli ókilderiniń múddesin partııalar arqyly qorǵaý múmkindigi artady. Munyń bári saıası júıeniń ornyqty jáne tıimdi bolýyn qamtamasyz etedi», dedi el Prezıdenti.
