Sýret: senate.parlam.kz
Senat Tóraǵasy ózine júktelgen jumysty abyroımen atqaryp, artylǵan senimdi aqtaýǵa tyrysatynyn jetkizdi.
«Qurmetti áriptester, kezdesýimizge Prezıdent Qasym-Jomart Toqaev qatysty. Konstıtýsııaǵa sáıkes, ol meni Palata spıkeri qyzmetine usyndy jáne sol arqyly maǵan úlken senim bildirdi. Men úshin bul - úlken jaýapkershilik. Sizder memleket basshysynyń usynysyn qoldadyńyzdar. Bul úshin kóp raqmet. Memleket basshysy men halyqtyń senimin aqtaýǵa bar kúshimdi salamyn», dedi Máýlen Áshimbaev.
Máýlen Áshimbaev 1971 jyly 28 qańtarda Almatyda dúnıege kelgen. Ál-Farabı atyndaǵy Qazaq ulttyq ýnıversıtetin jáne Tafts ýnıversıtetin, Fletcherdiń quqyq jáne dıplomatııa mektebin (AQSh) bitirgen. Ekonomıst – saıası ekonomııa pániniń oqytýshysy, halyqaralyq qatynastar magıstri. Saıasattaný ǵylymdarynyń kandıdaty.
Eńbek ótili:
- 1993-1994 jyldary Baspasóz jáne BAQ mınıstrligi júıesinde jumys istedi.
- 1994 jylǵy mamyrdan 1995 jylǵy naýryzǵa deıin QR Joǵarǵy Keńesi depýtatynyń kómekshisi.
- 1995 jylǵy maýsymnan qarashaǵa deıin - QR Qaýipsizdik Keńesi keńsesiniń konsýltanty.
- 1995 jylǵy qarashadan 1999 jylǵy sáýirge deıin QR Prezıdenti Ákimshiliginiń Taldaý jáne strategııalyq zertteýler ortalyǵy bóliminiń aǵa sarapshysy, sektor meńgerýshisi, birinshi orynbasary.
- 1999 jylǵy sáýirden 2000 jylǵy mamyrǵa deıin QR Qaýipsizdik Keńesiniń Taldaý ortalyǵynyń basshysy.
- 2000 jylǵy mamyrdan 2002 jylǵy aqpanǵa deıin QR Qaýipsizdik Keńesiniń Taldaý ortalyǵynyń basshysy - QR Prezıdentiniń janyndaǵy Qazaqstan strategııalyq zertteýler ınstıtýtynyń dırektory.
- 2002 jylǵy aqpannan 2005 jylǵy mamyrǵa deıin QR Prezıdentiniń janyndaǵy Qazaqstan strategııalyq zertteýler ınstıtýtynyń dırektory.
- 2005 jylǵy mamyrdan 2006 jylǵy sáýirge deıin QR Qaýipsizdik Keńesi hatshysynyń orynbasary.
- 2006 jylǵy sáýirden 2011 jylǵy qazanǵa deıin QR Prezıdentiniń Ákimshiligi Basshysynyń orynbasary.
- 2012 jylǵy qańtardan 2018 jylǵy aqpanǵa deıin besinshi jáne altynshy saılanǵan QR Parlamenti Májilisiniń depýtaty, Halyqaralyq ister, qorǵanys jáne qaýipsizdik komıtetiniń tóraǵasy.
- 2018 jyldyń aqpanynan 2019 jyldyń maýsymyna deıin «Nur Otan» partııasy Tóraǵasynyń birinshi orynbasary.
- 2019 jylǵy shildeden jeltoqsanǵa deıin QR Prezıdentiniń kómekshisi.
- 2019 jylǵy jeltoqsannan 2020 jylǵy mamyrǵa deıin QR Prezıdenti Ákimshiligi Basshysynyń birinshi orynbasary.
- 2020 jylǵy mamyrda QR Prezıdentiniń Jarlyǵymen Parlament Senatynyń depýtaty bolyp taǵaıyndaldy, altynshy saılanǵan QR Parlamenti Senatynyń Tóraǵasy bolyp saılandy.
