Jartylaı fınalda Rybakına Belarýs ókili Vıktorııa Azarenkomen kezdesti.
Birinshi partııada tennısshiler tartysty oıyn ótkizdi. Bir saǵatqa sozylǵan shaıqasta Elena Rybakına basymdyq tanytyp, alǵashqy sette 7:6 (7:4) esebimen ozyq boldy. Aıta ketsek, Qazaqstan ókiliniń qarsylasy, ıaǵnı Vıktorııa Azarenko - qazirgi Avstralııa chempıonatynyń eń úzdik qatysýshylarynyń biri. Ol 2012 jáne 2013 jyldary chempıon ataǵyn ıelengen edi.
Ekinshi settiń basynda Qazaqstannyń birinshi raketkasy breık jasap, 2:1 esebimen alǵa shyqty. Elena bul artyqshylyqty matchtyń sońyna deıin jetkizip, eki sette 7:6, 6:3 esebimen jeńiske jetti. Osylaısha, Elena Rybakına mansabynda alǵash ret AusOpen-2023 fınalyna shyqty.
Endi sheshýshi matchta Elena Polsha ókili Magda Lınett pen Belarýs tennısshisi Arına Sobolenko arasyndaǵy jekpe-jektiń jeńimpazymen aıqasatyn bolady.
