Býllıtter serııasynda utyldy

Turaqty birinshiliktiń Shyǵys jáne Batys konferensııasynyń aýtsaı­derle­ri arasynda órbigen matchtyń negizgi ýa­qytynda esep ashylǵan joq. Kezdesýdiń alǵash­qy kezeńinde «Barys» oıynshyla­ry basymdyq tanytqanymen, qarsylas­ta­rynyń qaqpasyna shaıba soǵa almady. Dje­remı Brakko men Dmıtrıı Shev­chenkoda gol soǵatyn 100 paıyzdyq tamasha múm­kindik bolǵanymen, ekeýine de sońǵy sátte dáldik jetispedi.

Ekinshi kezeń tolyǵymen «Severstal» hokkeıshileriniń ústemdigimen ótti. Sebebi aıdyn ıeleri muzaıdynda jıi tártip buzyp, birneshe ret kishi aıyppen jazalandy. San basymdyǵyna ıe bolǵan qonaqtar «Barys» qaqpasynyń mańaıynda aıtarlyqtaı qaýipti shabýyl uıymdastyrdy. Biraq Iýlıýs Gýdachektiń osal tusyn taba almady. Osy kezeńde Cherepovestiń komandasy «Barys» qaqpasyna 17 dál soqqy jasady. Matchtyń negizgi kezeńi teń eseppen aıaqtalǵan soń, oıyn overtaımǵa ulasty. Qosymsha mınýtta da eki komandanyń oıynshylary mergendigimen kózge túse almady. Sóıtip jeńimpaz klýbtyń esimi býllıtter serııasynda anyqtaldy. Bul synda «Severstal» hokkeıshileriniń baǵy jandy – 1:0. Jerlesterimiz kelesi matchyn búgin Chelıabiniń «Traktorymen» ótkizedi.