Oblystyq saılaý komıssııasynyń málimetinshe, oblystyq máslıhatqa 30 depýtat, onyń ishinde 15-i partııalyq tizim boıynsha, 15-i bir mandatty okrýgterden saılanady. Petropavl qalasy máslıhatynda barlyǵy bir mandatty okrýgter boıynsha 18 depýtat saılandy. 13 aýdandyq máslıhatqa 145 depýtat saılanady.
Saılaý kúni oblystyq máslıhatta – 15, qalalyq máslıhatta – 18, aýdandyq máslıhattarda – 145 okrýgtik saılaý komıssııalary jumys isteıdi.
Oblysta barlyǵy 631 ýchaskelik saılaý komıssııasy jumys isteıdi.
Qazaqstan Respýblıkasy Parlamenti Májilisiniń depýtattyǵyna eki kandıdattan qujattar qabyldandy. Olardyń Qazaqstan Respýblıkasy Konstıtýsııasynyń jáne «Qazaqstan Respýblıkasyndaǵy saılaý týraly» Qazaqstan Respýblıkasynyń Konstıtýsııalyq zańynyń talaptaryna sáıkestigi anyqtalyp jatyr.
«Qazaqstan Respýblıkasy Parlamenti Májilisi men máslıhattar depýtattaryn saılaý naýqanyn uıymdastyrý jáne ótkizý boıynsha semınar-keńester ótkizilý ústinde. Komıssııalardyń qyzmetin uıymdastyrý tetikteri, olardyń ókilettikteri saraptalyp, saılaý prosesine qatysýshylardy oqytý, kandıdattarmen baılanys, komıssııalar jumysynyń ashyqtyǵy jáne saıası partııalarmen ózara jumystar júrgizilip jatyr», dedi oblystyq saılaý komıssııasy.
