Fýtbol. Álem chempıonaty: Fransııa – Gondýras 3:0

ASTANA. 16 maýsym. Chempıonattyń E tobyndaǵy Fransııa jáne Gondýras quramalary keesh túnde Portý-Alegrı qalasyndaǵy stadıonnyń shańyn qaqty. Onyń qorytyndysynda fransýzdar 3:0 esebimen jeńiske jetti. Bul týraly egemen.kz habarlady. Matchtyń basy birshama júıke juqartatyndaı bolyp bastaldy. Gondýras fýtbolshylary qatqyl pressıngke júginip, tyǵyz qorǵanysty ustansa, Fransııa quramasy oqtyn-oqtyn sholǵynshylyq shabýylǵa den qoıdy. Biraq gondýrastyq tarapynan jıi oryn ala bastaǵan dórekilik olardyń qaqpaǵa durys soqqy jasaı almaýlary men jaǵa ustasýshylyqtarǵa apara bastady. Aqyrynda tap úzilistiń aldynda ekinshi márte «sary qaǵaz» alǵan Ýılson Palasıos alańnan qýylyp, gondýrastyqtar bir oıynshysynan aıryldy. Sonyń artynsha fransýzdar qarsy qaqpaǵa penaltıden gol saldy. Ony 45-mınýtta Karım Benzema oryndady. Osy gol eýropalyqtardy birshama sabalaryna túsirip, oıly da ornyqty oıyn kórsetýge jol ashty. Úzilisten keıin olardyń qysymy arta tústi. Sonyń bir sátinde, 48-mınýtta gondýrastyq qaqpashy Noel Valıadares óz qaqpasyna gol túsirip aldy. Bul dop baǵanǵa tıip baryp, qaqpashy qolynan jerge tústi. Sol sátte ala baýyr dop qaqpa syzyǵynyń arǵy betine ótip ketti. Al ony golkıper sol boıda denesimen jaba qoıdy. Brazılııalyq tóreshi Sandro Rıchchı azdaǵan qobaljýdan keıin goldy sanady. Sóıtip, ádildikke júgindi. Fransýzdar sońǵy goldy 72-mınýtta alystan qaqpaǵa qaraı dop atqannan keıin túsirdi. Ony Benzema ilip áketip, bir buryshtan qaqpaǵa kólbeı tastady. Damır Qojamqul. Derekkóz: Chempıonat.Rý. Foto: Sportbox.ru.