Jergilikti saıttyń jazýynsha, oqys oqıǵa 27 qańtar kúni bolǵan. 2 jasar balanyń úshinshi qabattan qulaǵany belgili boldy.
ShQO PD baspasóz qyzmetiniń málimetine súıensek, 20 jastaǵy rıdderlik turǵyn balasymen qonaqta bolǵan. Úıine qaıtar kezde esiktiń jabyq ekenin kórgen.
- Mas áıel birden balkon arqyly syrtqa shyqpaq bolǵanda bala qulap ketken. Bala birden Rıdder qalasyndaǵy medısınalyq mekemege jetkizildi, - deıdi ShQO PD baspasóz qyzmeti.
Tekserý nátıjeleri balanyń ómirine esh qaýip joq ekenin, aýyr jaraqat almaǵanyn kórsetti.
- Atalǵan fakti boıynsha áıelge qatysty QR ÁQBtK-niń 127-babyna sáıkes ákimshilik hattama toltyryldy. Sondaı-aq aldaǵy ýaqytta materıal kámeletke tolmaǵandardyń quqyqtaryn qorǵaý jónindegi komıssııaǵa ata-ana quqyqtarynan aıyrý týraly ótinishpen usynylady, - dedi jaýapty organdar.
