«Bul – ZHONG Tong markaly 12 metrlik úsh esikti avtobýstar. Jalpy syıymdylyǵy 85 adamǵa shaqtalǵan, 24 oryndyq, 8 beınekameramen, klımatty baqylaýmen jabdyqtalǵan. Ásirese, múmkindigi shekteýli azamattar úshin yńǵaıly ekendigin atap ótkim keledi. Qoǵamdyq kólikterge valıdatorlar ornatý qajet. Jańa avtobýstar 5 aqpanǵa qaraı jelige shyǵarylady», delingen jazbada.
Qoǵamdyq kólikterdi kóp shaǵym túsken №111 marshrýt boıynsha jiberý josparlanyp otyr. Nátıjesinde qozǵalys aralyǵy 15 mınýtty quraıtyn bolady.
Tasymaldaýshyǵa naýryz aıynyń sońyna deıin oblysqa syıymdylyǵy joǵary taǵy 40 avtobýs qoıý mindeti qoıylǵan. Onyń 20-sy Pavlodar jáne 20-sy Ekibastuz qalasyna arnalǵan.
