«Qalanyń damýy úshin sol sııaqty jeke ınvestısııalar da tartylyp jatyr. Bıyl 30-ǵa jýyq jobany iske qosýdy josparlap otyrmyz. Jeke ınvestısııalardyń jalpy somasy — 118 mlrd teńgeden asady. 2 myńnan astam jumys orny qurylady. Olar — ónerkásip, medısına, agroónerkásiptik keshen salalaryndaǵy kásiporyndar, bilim berý salasyndaǵy 5 nysan (mektepter, balabaqshalar), logıstıka salasyndaǵy 4 joba, sport keshenderi jáne t.b.
Búgin Indýstrııa jáne ınfraqurylymdyq damý mınıstri Marat Qarabaevpen birge №1 Indýstrııalyq parkte birqatar kásiporynnyń jumysymen tanystyq», dep jazdy elorda ákimi.
Olardyń qatarynda ModeX modýldik úı qurylysy zaýyty, mamandandyrylǵan tehnıka qurastyrý zaýyty, vıtrajdar, terezeler, medısınalyq jabdyqtar, jıhazdar, respıratorlar jáne t.b. bar.
«Kásiporyn ókilderimen birge №1 Indýstrııalyq park boıynsha ózekti máselelerdi talqyladyq. Memleket basshysynyń tapsyrmasy boıynsha ınvestısııalardy jumyldyrý jáne ınvestorlardy qoldaý úshin qolaıly jaǵdaılar jasaımyz», delingen jazbada.
