Elena Rybakına bul jetistikke 2023 jylǵy Avstralııa ashyq chempıonatynyń fınalyna jetkennen keıin qol jetkizdi. О́kinishke qaraı chempıon ataǵy úshin sheshýshi matchta bizdiń sportshy qarqyndy shaıqasta Belarýs ókili Arına Sobolenkodan jeńilip qaldy. О́z kezeginde Sobolenko atalǵan reıtıngtiń ekinshi jolaǵyna turaqtady.
«Qańtar men úshin sátti aı boldy, top-oıynshylarmen oınadym, olardy jeńdim. Fızıkalyq turǵydan ózimdi jaqsy sezinemin, oıynymnyń jaqsarǵanyn da kórdim. Jalpy, bul - Avstralııaǵa oń sapar boldy. Ári qaraı da solaı bolady dep úmittenemin. Men top-10-ǵa jetý jolynda kóp eńbektendim, biraq sáti túspeı qoıǵan edi. Biraq qazir úzdik 10-damyn jáne maqsat bul kórsetkishten túsip ketpeý. Alda áli de kóp jumys bar, maqsattarym da bar, men olarǵa qol jetkizgim keledi», dedi Elena Rybakına.
Qazir álemniń 10-shy raketkasy atanǵan Rybakınanyń aktıvinde 2815 upaı bar.
