Maskatqa sapar barysynda qazaqstandyq delegasııa basshysynyń Premer-mınıstrdiń orynbasary hanzada Asaad ben Tarık Ál Saıdpen, Syrtqy ister mınıstri Badr ben Hamad ál-Býsaıdımen jáne Qarjy mınıstri Sultan ben Salım ál-Habsımen ekijaqty kezdesýler ótkizbek.
Manamaǵa sapar aıasynda elimizdiń syrtqy saıası vedomstvosynyń basshysy Bahreın Koroli Hamad ben Isa Ál Halıfamen, Taq murageri Salman ben Hamad ál Halıfamen jáne Syrtqy ister mınıstri Abdýllatıf ben Rashıd ál-Zaıanımen kezdesýler josparlanǵan.
Atalǵan elderdiń basshylyǵymen kelissózder barysynda saýda-ekonomıkalyq, ınvestısııalyq jáne mádenı-gýmanıtarlyq yntymaqtastyqty odan ári damytý máseleleri talqylanady.
Sonymen qatar Qazaqstan Respýblıkasynyń Úkimeti men Oman Sultandyǵynyń Úkimeti arasynda birlesken Qazaqstan-Oman komıssııasyn qurý týraly kelisimge, sondaı-aq Qazaqstan Respýblıkasynyń Syrtqy ister mınıstrligi men Oman Sultandyǵynyń Syrtqy ister mınıstrligi arasynda saıası konsýltasııalar týraly ózara túsinistik týraly memorandýmǵa qol qoıý josparlanǵan.
