О́ZGENIŃ О́MIRI ÚShIN

Erlikti adamdardyń qaharly, otty kúnderde ǵana jasamaıtynyna taǵy da kóz jekizdik. Bıylǵy qatal qys Altaıda uzaqqa sozyldy, qatty borannan kóz jazbadyq, al kóktemde sý tasqynynyń astynda qaldyq. Qatty qysylǵan áıeldi qutqaramyz degen jeti adamnyń tikushaq apatynan qaıtys bolǵany jaıly habar jerlesterimizdi qaıǵyǵa batyrdy. Elbasynyń ústimizdegi jylǵy 30 sáýirdegi Jarlyǵymen tikushaq apatynan qaza tapqan jeti adam memlekettik nagradalarmen marapattalǵan bolatyn. Atap aıtqanda, Maqanshy aýyldyq okrýginiń ákimi E.Saǵymbekov, ushqysh V.V.Stolbovskıı, dáriger V.G.Tıýktıaeva “Qurmet” ordenderimen, Keldimurat aýyldyq okrýginiń ákimi B.Ibraev, S.I.Barabanov, A.A.Strelnık, Iý.Iý.Tıýrnıkov “Erligi úshin” medaldarymen marapattaldy. Oblys ákimi Berdibek Saparbaev ákimdiktiń otyrysynda qaza tap­qandardyń qosaqtaryna, týys-juraǵattaryna joǵary nagradany tapsyryp turyp, erliktiń eshqashan umytylmaıtynyn, Elbasynyń qurmeti jaıly aıta kelip, olarǵa tabys, sáttilik tiledi. Erbol Saǵymbekovtiń zaıyby Lázzat Saǵyndyqqyzy Elbasyna qaza tapqan azamattarǵa kórsetken qurmeti úshin alǵysyn aıtyp, elimizge yntymaq pen birlik tiledi. Ońdasyn ELÝBAI. О́SKEMEN.