Ulttyq ekonomıka mınıstri kásipkerlik qyzmet salasynda jańa retteý saıasatyn engizýdiń iske asyrylýy týraly baıandady. Mınıstrdiń aıtýynsha, búgingi tańda retteýdiń barlyq 44 salasy qaraldy. Onda 2 823 normatıvtik quqyqtyq akt taldanyp, 128 119 talap anyqtaldy. Olardyń ishinde talaptardyń 10 108-i nemese 8%-y jańa retteý saıasattyń bazalyq sharttaryna sáı̆kes kelmeı̆di.
О́tken jyldan bastap retteýshi memlekettik organdar zańǵa táýeldi aktiler aıasynda talaptardyń kúshin joıý jáne qaı̆ta qaraý boı̆ynsha belsendi jumys júrgizip jatyr. Bul jumysty bıylǵy 1-2 toqsanynda aıaqtaý josparlanyp otyr. Zańdar boı̆ynsha ózgeristerdi talap etetin shamamen 66 zań aktisi anyqtaldy.
«Jumysty durys uı̆ymdastyrý úshin ótken jyly úı̆renshikti ári tekserilgen tásil usynyldy. Atalǵan tásil boı̆ynsha retteýdiń árbir salasyndaǵy jumys toptary túzetýler ázirlep, Ulttyq ekonomıka mınıstrligine jınaqtaýǵa joldaı̆dy. Qazirgi ýaqytta mınıstrlik biryńǵaı̆ pýldy qalyptastyrý maqsatynda 15 sala boı̆ynsha túzetýler jınaqtap aldy, 17 sala boı̆ynsha túzetýler áli kútilýde», dedi Á. Qýantyrov.
Túzetýlerdiń biryńǵaı̆ pýly ázirlenip, kelisilgennen keı̆in Parlamentke engizý satysynda turǵan Bıznesti júrgizý máseleleri jónindegi zań jobasyna engiziledi.
«Osyǵan baı̆lanysty memlekettik organdarǵa jumys tobynyń múshelerimen kodeksterge/zańdarǵa óz túzetýlerin jedel pysyqtaýdy tapsyrýdy jáne olardy jınaqtaý úshin 1 aqpanǵa deı̆in Ulttyq ekonomıka mınıstrligine usynýdy, sondaı̆-aq quzyreti boı̆ynsha zańǵa táýeldi aktilerge túzetýler engizýdi qamtamasyz etýdi suraı̆myn», dedi Álibek Qýantyrov.
Mınıstrdiń aıtýynsha, kásipkerlik salasyndaǵy Mindetti talaptar tizilimi Sıfrlyq úkimetti qoldaý ortalyǵynyń bazasynda qurylǵan jáne Smart Data Ukimet platformasynda iske qosylǵan. Tizilim – bul retteýshi aktilerdi turaqty negizde qaı̆ta qaraýdy qamtamasyz etetin, kásipkerlik ortaǵa teris áser etetin talaptarǵa qatysty «Retteýshi gılotına» ádisin qoldanýǵa múmkindik beretin mindetti tetik.
Tizilim retteýshi aktilerge olardyń jańa retteýshi saıasatyna sáı̆kestigi turǵysynan taldaý júrgizý merzimderin aı̆qyndaýdy kózdeı̆di. Tizilimnen shyǵarylǵan jáne merziminde joı̆ylmaǵan talaptardy buzǵany úshin kásipkerlerdi ákimshilik jaýapkershilikten bosatý – Tizilimniń ereksheligi.
2022 jyly memlekettik organdar daı̆yndaǵan retteýshi aktiler tizbesi Tizilimge engizildi. Qazir memlekettik organdar olardy qaı̆ta tekserý jumystaryn júrgizip jatyr.
Budan basqa, Tizilimniń tehnıkalyq fýnksıonalyn jaqsartý jónindegi jumys Sıfrlyq damý, ınnovasııalar jáne aeroǵarysh ónerkásibi mınıstrligimen, memlekettik organdar jáne Ulttyq kásipkerlik palatasymen birlesip jalǵastyrylatyn bolady.
Táýekelderdi basqarý júı̆esin avtomattandyrý boı̆ynsha 2022 jyly memlekettik baqylaýdyń 35 salasy avtomattandyryldy jáne 16 aqparattyq júı̆e Smart Data Ukimet-ke ıntegrasııalandy.
Qazirgi ýaqytta memlekettik organdardyń qolda bar aqparattyq júı̆elerinde Táýekelderdi basqarý júı̆esi derekteriniń 29 kórsetkishin jınaý boı̆ynsha tehnıkalyq jumys júrgizilip jatyr.
«2023 jyly baqylaýdyń qalǵan 35 salasyn avtomattandyrý josparlanǵan. Osyǵan baı̆lanysty Smart Data Ukimet bazasynda avtomattandyrylǵan júı̆eniń tolyqqandy jumys isteýi maqsatynda memlekettik organdardan jetekshilik etetin aqparattyq júı̆elerden bazany óz kórsetkishterimen toltyrý talap etiledi», dedi Álibek Qýantyrov.
Ári qaraı «Atameken» UKP tóralqasynyń tóraǵasy Raıymbek Batalov taqyryp boıynsha baıandama jasady.
Onyń aıtýynsha, búgingi tańda Úkimet pen bıznes birlesip, bızneske qoıylatyn talaptardy qaıta qaraý jumystaryn aıaqtady.
«Atameken» UKP UEM-men birlese otyryp, bul jumysqa asa belsendi qatysty. Nátıjesinde NQA-nyń jańa tásilderin iske asyrý úshin qajetti jobalar, bıznesti júrgizý jaǵdaılaryn jaqsartý boıynsha zańnamalyq túzetýlerdiń kezekti paketi, talaptardy qaıta qaraý úshin ádistemelik materıaldar ázirlendi.
«Bizdiń sarapshylar qaıta qaraýǵa qatysatyn memlekettik qyzmetshiler men bıznes sarapshylaryn oqytý jáne olarǵa keńes berý boıynsha turaqty negizde jumys júrgizdi. Jumysqa bıznes-qoǵamdastyqtyń 100-den astam sarapshysy tartyldy», dedi Raıymbek Batalov.
«Atameken» UKP tóralqasy tóraǵasynyń aıtýynsha, jyl boıy jurtshylyq arasynda jańa retteýshi saıasattyń negizderin jarııalaý boıynsha keń aýqymdy medıa jumys uıymdastyryldy. BAQ pen áleýmettik jelilerde osy taqyryp boıynsha 1 200-den astam habarlama jarııalandy. Palata saıtynda reforma týraly barlyq aqparat ınfografıka túrinde ornalastyrylatyn turaqty jumys isteıtin qosymsha bet bar.
«Árıne, eń basynda «turalap qalý» bolǵany qupııa emes. Memlekettik organdar jumystyń máni men reformanyń mańyzdylyǵyn naqty túsinbedi. Sondaı-aq salalyq bıznes-qaýymdastyqtar kóbinese passıvti jáne jumysqa az aralasady, júrgizilip jatqan jumysty árdaıym túsine bermeıdi», dedi R. Batalov.
Onyń aıtýynsha, ótken jylǵy shildeden bastap memlekettik organdardyń jumys qarqyny birshama jaqsardy. Talqylaý kezinde bıznestiń usynystary qoldaý tapty.
«Densaýlyq saqtaý, Energetıka jáne Ekologııa jáne tabıǵı resýrstar mınıstrlikteriniń bızneske qoıylatyn talaptaryn qaıta qaraý boıynsha úılesimdi ári tıimdi jumys júrgizildi», dedi ol.
Qazir memlekettik organdar jumysynyń kelesi kezeńi bastaldy. Bul salalyq zańnamalyq jáne normatıvtik quqyqtyq aktilerge ózgerister men tolyqtyrýlar engizý. Raıymbek Batalovtyń aıtýynsha, «Atameken» UKP baǵyttalǵan jobalardy qysqa merzimde qaraýǵa daıyn.
