«Astananyń ınfraqurylymyn dáıekti túrde damytý qajet. Ýrbanızasııanyń qazirgi qarqyny saqtalsa, elorda turǵyndarynyń sany 2030 jylǵa qaraı eki mıllıon adamǵa jetýi múmkin. Qala qarqyndy damyp kele jatqandyqtan búginde bas jospardyń kóptegen talaptary júıeli túrde buzylyp jatqanyn kórip otyrmyz. Sondyqtan ınjenerlik ınfraqurylymdy keshendi damytý - birinshi kezektegi mindettiń biri», dedi Prezıdent.
Memleket basshysynyń aıtýynsha, bul baǵytta belgili bir máseleler bar.
«Atap aıtqanda, ákimdik 10 jyldan astam ýaqyt boıy JEO-3-ti paıdalanýǵa bere almaı keledi. Jobany júzege asyrý merzimi birneshe ret keıinge shegerilip, onyń baǵasy 53 mlrd teńgege qymbattaǵan. Bul másele 2019 jyly kóterilgenimen, nysannyń daıyndyǵy áli 83 paıyzdy qurap otyr», dedi el Prezıdenti.
Sonyń saldarynan elorda 300 gıgakalorııadan asatyn jylý energııasynyń tapshylyǵynan zardap shegip otyr.
