«Men Ulttyq qoǵamdyq senim keńesiniń otyrysynda kitap oqý mádenıeti jaıly aıttym. Alaıda, qalada kitaphanalar jelisi damymaı tur. Astanada nebári 18 kitaphana bar. Onyń keıbireýi 40 sharshy metrden aspaıtyn bólmede otyr.
Kitaphanalar zaman talabyna beıimdelip, kovorkıng ortalyǵy sııaqty jumys isteýi kerek. Bul salada aqparattyq tehnologııany keńinen qoldanǵan jón. Ár aýdanda zaman talabyna saı kitaphana ashý qajet», dedi Prezıdent.
Sonymen qatar Prezıdent qazir stýdentterge 13 myńǵa jýyq oryn jetispeıtinin aıtty. Sondyqtan ol Ǵylym jáne joǵary bilim mınıstrligi osy máselelerdi erekshe baqylaýǵa alýy kerek ekenin qadap aıtty.
