Málimet boıynsha, esirtkini zańsyz saqtaý jáne taratý deregi boıynsha oblys ortalyǵynyń 40 jastaǵy turǵyny ustalǵan. Kúdiktiniń úıin tintý barysynda oblys ortalyǵynyń aýmaǵynda odan ári ótkizý úshin 60 oramǵa salyp, daıyndap qoıǵan sıntetıkalyq esirtki tabylǵan.
Sonymen qatar esirtki zatyn qoldanýǵa arnalǵan qurylǵy anyqtalǵan. Kúdikti Taraz qalasynyń ýaqytsha ustaý ızolıatoryna qamaýǵa alyndy.
– Qazirgi ýaqytta atalǵan derekke qatysty QR QK-niń 297-baby 3-bóligi boıynsha sotqa deıingi tergep-tekserý amaldary bastaldy. Bul bapqa sáıkes múlki tárkilenip, on jyldan on bes jylǵa deıingi merzimge bas bostandyǵynan aıyrý túrindegi jaza qarastyrylǵan, – dep atap ótti Jambyl oblysy PD esirtki qylmysyna qarsy is-qımyl basqarmasynyń bastyǵy Álim Bajyqbaev.
