Bas júlde Karıakın men Gırıge buıyrdy

Rapıdten ótken týrnırde 18 jasar Bıbisara dańqty shahmatshy, Álem kýboginiń ıegeri, komandalyq esepte álem­niń eki dúrkin chempıony, 2016 jylǵy «Úmitkerler týrnı­riniń» jeńimpazy, blıs pen rapıdten álem chempıony 33 jastaǵy Sergeı Karıa­kındi utyp, san mıllıon jan­kúıerdiń ystyq yqylasyna bólengen edi. Biraq sol jeńistiń ózi úzdikter qataryna qosylý úshin jetkiliksiz boldy. Osy jarysta 4 upaı oljalaǵan qazaq qyzy Teımýr Radjabovpen birge besinshi jáne altynshy oryndardy ózara bólisti. 6,5 upaı­dy qorjynǵa salǵan úndis­tandyq Raýnak Sadhvanı kósh bastasa, reseılik Sergeı Karıa­kın men Vladıslav Artemev (6 upaıdan) ekinshi jáne úshinshi oryndardy ıelendi.

Blıs básekesinde Bıbi­saranyń baǵy janbady. Ne­bári 4 upaıdy enshilegen ol sońǵy orynda qalyp qoıdy. Bul týrnırde jergilikti shah­mat­shylardyń tegeýrini óte kúshti boldy. Birinshi oryndy Alek­sandr Grıshýk ıelense, ekinshi jáne úshinshi satyǵa Karıakın men Artemev jaı­ǵasty.

Al qorytyndy eseptegi jaǵdaı mynadaı: 1. Ser­geı Karıakın (rapıdte 2 oryn+blıste 2 oryn), 2. Alek­­sandr Grıshýk (4+1), 3-4. Raýnak Sadhvanı (1+5) men Vla­dıslav Artemev (3+3), 5. Teımýr Radjabov (7+4), 6-7. Ekaterına Lagno (5+9) men Sanan Sıýgırov (8+6), 8. Bı­bisara Asaýbaeva (6+10) jáne 9-10. Aleksandra Gorıachkına (9+8) men Fransısko Valeho (10+7).

Al Nıderlandtyń Veı- ka­n-Zee qalasynda uıymdas­tyrylǵan týrnırde uzaq ýaqyt boıy Nodırbek Abdýsattorov kósh bastaǵan-tyn. Tipti onyń osy jarysta jeńimpaz atanatynyna eshkimniń de kúmáni bolǵan joq edi. Alaıda soń­ǵy týrda aq tastarmen oı­na­ǵan О́zbekstannyń ókili oı­da-joqta jergilikti oıynshy Iorden van Forestten uty­lyp qaldy. Nátıjesinde, Ab­dýsattorov Nor­vegııanyń dańq­ty shahmatshysy, álem chempıo­ny Mag­nýs Karlsenmen birge ekinshi jáne úshinshi oryndardy ózara bólisti. Olardyń árqaısysy 8 upaıdan ıelendi. Al bas júlde Qyzǵaldaqtar eliniń taǵy bir dúldúli Anısh Gırıge buıyrdy. Ol basty qarsylastarynan jar­ty upaı artyq jınady.