– Aýdandy damytýǵa baılanysty josparlarymyz kóp. Sonyń ishinde densaýlyq saqtaýǵa da qatysty. Memlekettik baǵdarlama boıynsha aýyldyq eldi mekenderde 20 medısınalyq uıym salýdy kózdep otyrmyz. Sondaı-aq mádenıet jáne sport qyzmetkerleriniń problemalary men qajettilikteri umyt qalmaıdy. Birtindep sheshimin tabady, – deıdi Qarqaraly aýdany ákimi Erlan Qusaıyn.
Jedel járdem kólikteriniń biri aýdandyq ortalyq aýrýhanaǵa, ekinshisi Egindibulaq aýylyna buıyrdy.
– Jańa jedel járdem kólikteri zamanaýı talaptarǵa saı. Aýrýhana kólikteri tozǵan edi. Bul kólikterdiń qyzmet etkenine jıyrma jyl bolǵan, – deıdi Qarqaraly aýdany ortalyq aýdandyq aýrýhana dırektory Dáýren Seıtpanov.
Kelesi jedel járdem kóligi Egindibulaqtaǵy buqaraǵa qyzmet etedi. Egindibulaqta jedel járdem bólimshesi, on tósekti kúndizgi stasıonarly dárigerlik ambýlatorııa bar.
Al endigi jerde shyǵarmashylyq ujymdar, sportshylar baıqaýlarǵa tabany tozyp jaıaý barmaıdy. Olardy sý jańa yńǵaıly shaǵyn avtobýstar jetkizedi.
Qaraǵandy oblysy,
Qaraqaraly aýdany
