Keń aýqymdy yntymaqtastyq jalǵasady

Syrtqy ister mınıstri Erlan Ydyrysov AQSh Prezıdentiniń arnaıy kómekshisi – AQSh Ulttyq qaýipsizdik keńesiniń Reseı jáne Ortalyq Azııa jónindegi aǵa dırektory Seleste Ýollandermen kezdesti, dep habarlady QR SIM-iniń baspasóz qyzmeti. Kezdesý barysynda sa­ıa­­sı jáne saýda-eko­no­­mı­­kalyq sa­lalardaǵy Qazaq­­stan men AQSh ara­syn­daǵy ynty­maq­tas­tyq­tyń qazirgi jaǵ­daıy men bo­lashaǵy talqy­landy. Ta­rap­tar óńirdegi el­derdiń qaý­ipsizdigi men jal­py ta­ratpaýdyń jahan­dyq júıesin barynsha nyǵaı­ta­tyn, ústimizdegi jylǵy 6 mamyrda Nıý-Iorkte qol qoıylǵan «ıadrolyq bes­tik» elderiniń Ortalyq Azııa­daǵy ıad­rolyq qarýdan azat aı­maqqa múshe elder­ge keri ke­pi­li týraly Hat­ta­manyń tezi­rek kúshine ený mańyzyn atap ótti. Suhbattasýshylar, son­daı-aq, Strategııalyq árip­­testik jónindegi komıs­sııa men Energetıka salasyn­daǵy áriptestik jónindegi bir­lesken komıssııa sııaq­ty Qazaqstan-Amerıka yn­ty­­maq­tastyǵynyń damý qury­lymdarynyń tabysty jumystaryn atap ótti. Saýda-ekonomıkalyq já­ne ınvestısııalyq ynty­maq­tastyq eki el arasyn­daǵy strategııalyq áriptes­tiktiń mańyzdy elemen­ti bolyp tabylady. B.Oba­manyń kómekshisi Býra­baıda ótken Qazaqstan Pre­zıdenti janyndaǵy Shetel ınves­torlary keńesiniń 27-shi otyrysynda Prezıdent N.Nazarbaev jarııalaǵan ınves­tısııalyq ahýaldy jaq­sartý boıynsha shara­lar paketi týraly aqpa­rat­ty qyzyǵýshylyqpen qabyl­dady. S.Ýollander B.Obama Ákimshiligi AQSh-tyń isker toptary ınvestısııalyq tur­­ǵydan da, EKSPO-2017 sııaq­­ty jobalarǵa qatysý úshin de Qazaqstanmen yn­ty­­maqtastyq boıynsha ty­ǵyz jumys jasaıtynyn qýattady. Suhbattastar arasynda halyqaralyq saıasat pen óńirlik qaýipsizdiktiń, onyń ishinde Ýkraınadaǵy jaǵ­­daı, halyqaralyq koa­lısııa áskerlerin Aýǵanstan­nan shyǵarǵan kezde tu­raq­­tylyqty saqtap qalý sııaq­­ty ózekti máseleler boı­yn­­sha pikir almasý ótti. AQSh Ákimshiligi atynan S.Ýol­lander Qazaqstan men onyń bas­shysyna shıelenisken óńir­lik jáne jahandyq máse­lelerdi sheshýdegi oń róli úshin alǵysyn bildirdi. Taraptar Qazaqstan-Ame­rıka áriptestiginiń barlyq baǵyttaryn nyǵaıtý jáne keńeıtý jumystaryn odan ári jalǵastyra berýge ke­listi.