Aıtylǵan usynystar qaǵaz júzinde qala bere me?

Qazaqstan Parlamenti Májilisi Tóraǵasynyń orynbasary D. Nazarbaeva halyqty baspanamen qamtamasyz etýde naqty qadamdardyń jasalmaı otyrǵanyn synǵa aldy. «Nur Otan» partııasynyń Ortalyq apparatynda ótken   «Halyqty baspanamen qamtamasyz etýdiń jaı-kúıi men perspektıvalary»  parlamenttik tyńdaýdyń usynystaryn júzege asyrý barysy týraly» dóńgelek ústel otyrysyna qatysqan Darıǵa Nazarbaeva tyńdaýdyń ótkenine bir jarym jyl bolsa da, onda aıtylǵan usynystardyń qaǵaz júzinde qalǵanyn atap aıtty. «Depýtattar kókten alyp, jańa dúnıe oılap tapqan joq. Másele «Qoljetimdi baspana-2020» baǵdarlamasynyń jekelegen naqty josparyn qurý týraly bolatyn», deı kelip, Májilis Tóraǵasynyń orynbasary  turǵyn úımen qamtýdyń qazirgi jaı-kúıine toqtaldy. «Bıylǵy 1 qańtar  derekteri boıynsha memlekettik turǵyn úı qorynan beriletin baspana kezeginde 283 109 adam tur. Ol úshin memlekettiń jylyna 6 myń páter salý josparyna súıensek, kezektegi eń sońǵy adam shamamen 44-45 jyldan keıin baspanaly bolady degen sóz. Bul – búgingi kúnniń shynaıy kórinisi. Árıne, memlekettik qazynanyń múmkinshiligi shekteýli ekenin, belgili bir problemalardyń bar ekenin biz jaqsy bilemiz. Deı turǵanmen, biz bul máseleni sheshýdiń aıtarlyqtaı  qarapaıym jáne  aqylǵa qonymdy tásilderin usynyp otyrmyz.  Iаǵnı, turmysy nashar otbasylaryna arnalǵan úshinshi-tórtinshi deńgeıdegi qymbat emes baspanalar, shaǵyn otbasylyq jataqhanalar salyp, sol úshin tıptik jobalar jasaý qajet edi ǵoı», dedi D.Nazarbaeva. Halyq qalaýlysynyń atap ótkenindeı, memleket jalǵa beretin páterler jekeshelendirýge jatpaıdy. Degenmen, ol múldem baspanasy joq jandar men jas otbasylardyń áleýmettik jaǵdaıyn sheshýge barynsha kómektesedi. Búginde tek tórt oblys pen Astana jáne Almaty qalalary shaǵyn otbasylyq tıptegi  baspana salý josparyn ázirleýde. Basqa oblystar boıynsha eshqandaı aqparat joq. Vıse-spıker memlekettik turǵyn úı qorynan páter bólýde ádiletsizdiktiń oryn alatynyn da  joqqa shyǵarmady. D.Nazarbaeva: «Páterlerdi bólý júıesi ashyq emes. Sol úshin biz quramyna Májilis pen máslıhat depýtattary, sarapshylar, jergilikti ÚEU músheleri kiretin respýblıkalyq komıssııa qurýdy usyndyq. Ol komıssııa da áli joq», dedi. Odan ári D.Nazarbaeva turǵyn úı-kom­mýnaldyq sharýashylyǵyn jań­ǵyrtý baǵdarlamasy aıa­synda kóp páterli úılerdi jóndeý tóńi­re­gin­degi ózekti máselelerge de basa kóńil bóldi. Taqyryp tóńireginde О́ńirlik damý mınıstri Bolat Jámishev baıandama jasap, atqarylǵan ju­mystardy tilge tıek etti. Sondaı-aq, Astana, Almaty qalalary ákim­­deriniń orynbasarlary, qu­ry­­lys kompanııalarynyń basshylary sóz aldy. Dóńgelek ústel jumysyna «on­­laın» rejiminde beınekonfe­rensııa baılanysy arqyly jer­gi­likti atqarýshy organ ókilderi de qatysty. D.Nazarbaeva dóńgelek ús­tel jumysyn qorytyndylap, onyń nátıjeleri boıynsha arnaıy qarar qabyldandy.