Partııa fılıaldarynyń uıymdastyrý jumysy

Otyrysqa oblystardyń aýmaqtyq saılaý komıssııa­lary­nyń tóraǵalary (beınekonfe­rensııa rejiminde), saıası par­tııa­lardyń, buqaralyq aqparat qural­darynyń ókilderi qatys­ty. Sondaı-aq otyrysqa Ádi­let mınıstrliginiń Tirkeý qyz­meti jáne zań qyzmetterin uıym­das­tyrý departamentiniń dırektory Alan Tilenchıev qatysty.

2023 jylǵy 2 aqpanda «Qazaq­stannyń «Baıtaq» jasyldar partııasy» jáne «Respublica» partııasy» qoǵamdyq birlestikterin olardyń fılıaldarynyń tirke­lýine baılanysty Qazaqstan Res­pýblıkasy máslıhattarynyń depýtattaryn saılaýǵa jiberý, sondaı-aq aldaǵy saılaýda halyq­aralyq baıqaýshylardy akkredıtteý máseleleri boıynsha spıkerler sóz aldy.

Ortalyq saılaý komıs­sııa­synyń tóraǵasy Nurlan Ábdirov eń áýeli qatysýshylardy jyl saıyn aqpannyń birinshi beısenbisinde atap ótiletin Dú­nıejúzilik saılaý kúnimen qut­tyqtady. Ol 2005 jyldyń ekinshi aqpanynda birqatar eldiń memleket basshylary saılaý boıynsha kóptegen mańyzdy ha­lyq­aralyq kelisimge qol qoıǵa­nyn atap ótti. Dúnıejúzilik saı­laý kú­nin qurýdyń maqsaty azamat­tar­dyń saılaý quqyqtaryn qam­ta­masyz etý jáne saılaý úderis­terin jetildirý bolyp tabylady.

Ortalyq saılaý komıs­sııa­synyń múshesi Shavkat О́te­misov Qazaqstannyń «Baıtaq» jasyl­dar partııasy 2023 jyl­ǵy 21 jáne 27 qańtardaǵy qaý­ly­lary­men 15 óńirden máslı­hat­tar de­pýtattaryn saılaýǵa jibe­ril­genin habarlady. Ázirge par­tııa­nyń Abaı, Aqmola, Jetisý, Sol­tústik Qazaqstan jáne Uly­taý oblystarynda ǵana fılıaly joq.

Al «Respublica» partııa­sy 2023 jylǵy 21 jáne 27 qań­tar­­­daǵy qaýlylarymen 19 óńir­­­den máslıhattar depýtat­taryn saılaýǵa jiberildi. Osy­laı­sha, buryn qabyldanǵan qaýly­lardy eskere otyryp, Qazaqstannyń «Baıtaq» jasyldar partııasy men «Respublica» partııasy respýblıkanyń bar­lyq óńirlerinde partııalyq tizim­­der boıynsha saılanatyn más­lıhattar depýtattaryn saılaýǵa qatysýǵa jiberildi.

Otyrystyń ekinshi máselesi 2023 jylǵy 19 naýryzǵa taǵaı­ynd­alǵan Parlament Májilisi depýtattarynyń kezekten tys saılaýyna shet memlekettiń jáne halyqaralyq uıymdardyń baıqaýshylaryn akkredıtteý týraly boldy. Nurlan Ábdirov bıyl 20 qańtarda saılaý naýqany sheńberindegi birinshi otyrysta Ortalyq saılaý komıssııasy saılaýdy halyqaralyq baıqaý ınstıtýtyn ashqanyn atap ótti. Búginde bir shet memleketten jáne eki halyqaralyq uıymnan akkredıtteýge usynystar túsken.

Ortalyq saılaý komıs­sııa­­synyń hatshysy Muhtar Erman Syrtqy ister mınıstrligi saı­laýdy baıqaýǵa qatysý úshin halyqaralyq jáne parla­men­taralyq uıymdarǵa, sondaı-aq Qazaqstandaǵy dıplomatııalyq korpýsqa shaqyrýlar jibergenin habarlady. Sonymen qatar Or­talyq saılaý komıssııasy 34 shet memlekettiń ortalyq saılaý organdarynyń atyna shaqyrýlar jibergen. Búginde Ortalyq saılaý komıssııasyna akkredıtteýge bir shet memleketten jáne eki halyqaralyq uıymnan 25 baıqaýshy, onyń ishinde Palestınadan 1 baıqaýshy, TMD-ǵa qatysýshy memleketterdiń Par­la­mentaralyq Assambleıasynan 11 baıqaýshy jáne EQYU-nyń De­mo­kratııalyq ınstıtýttar men adam quqyqtary jónindegi Mı­s­sııa­synan 13 baıqaýshy usy­nyldy.

Otyrys qorytyndysy bo­ıynsha Ortalyq saılaý komıs­sııasynyń músheleri «2023 jylǵy 19 naýryzǵa taǵaıyndalǵan Qazaqstan Respýblıkasy Par­lamenti Májilisi depýtat­tarynyń kezekten tys saılaýyn­da shet memlekettiń jáne halyq­aralyq uıymdardyń baıqaý­shylaryn akkredıtteý týraly» qaýly qabyldady. Sondaı-aq Muhtar Erman akkredıtteýge usynystardyń kelip túsýine qaraı baıqaýshylar jónindegi derekter jańartylyp otyratynyn atap ótti.