Senator is-shara barysynda basqa elderdiń parlamentshilerimen birge halyqaralyq qatynastar, qorǵanys jáne qaýipsizdik máselelerin talqylady.
Depýtat keńes jumysy aıasynda Memleket basshysynyń bastamasy boıynsha elimizdiń barlyq salada keshendi jáne júıeli ózgerister júzege asyp jatqany týraly áriptesterine aıtyp berdi. Senator barlyq negizgi bılik ınstıtýtyn dáıekti túrde qaıta retke keltirý úderisterine toqtaldy.
«Búginde Parlament te, jergilikti ókildi organdar da nyǵaıyp keledi. 14 qańtarda Senat depýtattarynyń saılaýy ótken bolatyn. Palata quramyna árbir oblys pen respýblıkalyq mańyzy bar qalalardan bir-birden depýtat tańdaldy. Qazaqstan halqy Assambleıasy prezıdenttik kvota boıynsha bes senatordy usyndy. Bul saılaýda úmitkerlerdiń básekelestik deńgeıi óte joǵary boldy. Senat saılaýynda kandıdattardyń kópshiligi ózin-ózi usyndy. Bul azamattyq qoǵamdaǵy saıası belsendiliktiń ósip kele jatqanynyń kórinisi. Senatqa saılanǵan 20 depýtattyń 16-sy alǵash ret senator bolyp otyr, 4 senator qaıta saılandy. Senator áıelderdiń sany da kóbeıip keledi», dedi Sergeı Ershov.
Depýtat sóz sońynda UQShU Parlamenttik Assambleıasy baıqaýshylarynyń mıssııasy aldaǵy saılaýda monıtorıng júrgizýge belsendi qatysatynyna jáne oǵan obektıvti baǵa beretinine úmittenetinin jetkizdi.
