2023 jyldyń 2 aqpanynda Ulttyq palata alańynda ótken prezentasııa kezinde kásipkerler kásiporandarynyń múmkindikteri týraly aıtyp, granıt, travertın, mármár sııaqty ónimderin tanystyrdy.
«Atameken» QR UKP atqarýshy hatshysy, basqarma múshesi Nurlan Saqýovtyń aıtýynsha, otandyq óndirýshiler memlekettik satyp alý prosessine qatysqanda birqatar kedergilerge tap bolady.
«Kóp jaǵdaıda otandyq taýar óndirýshiler kólemdi aldyn ala bilmeıdi, sondyqtan olarǵa básekege túsý qıyn. Bul proseste baǵa saıasaty mańyzdy ról atqarady, sebebi satyp alý sharttarynyń biri - eń tómen baǵa. Memleket basshysy mundaı tásil durys emes ekenin aıtqan edi, sondyqtan qazir memlekettik satyp alý týraly zań ázirlenip jatyr», dedi spıker.
