Ahmet Baıtursynuly • 03 Aqpan, 2023

Astanada «Vaitursynuly.kz» saıtynyń tusaýkeseri ótti

286 ret

kórsetildi

1 mın

oqý úshin

Astana qalasynda «baitursynuly.kz» saıtynyń tanystyrylymy jáne ult ustazynyń qazaq, aǵylshyn, túrik jáne orys tilderinde tuńǵysh ret jaryq kórgen tańdamaly shyǵarmalarynyń, sondaı-aq ǵylymı ekspedısııanyń «Alash qozǵalysy: derek pen dáıek» atty qorytyndy jınaǵynyń tusaýkeser rásimi ótti, dep habarlaıdy Egemen.kz.

Janbolat Kenjeǵul

Astanada «Vaitursynuly.kz» saıtynyń tusaýkeseri ótti

Is-sharany «Qazaq» gazetiniń 110 jyldyǵyna oraı QR ǴJBM Til saıasaty komıteti Sh.Shaıahmetov atyndaǵy «Til-Qazyna» ulttyq-ǵylymı praktıkalyq ortalyǵy uıymdastyrdy.

Sharanyń shymyldyǵyn Ortalyqtyń Bas dırektory, belgili ǵalym E.Tileshov ashty. Ol óz sózinde, uly ǵalymnyń keıingi urpaǵyna qaldyrǵan asyl murasy – barsha halqymyzdyń baǵa jetpes qundy baılyǵy dep atap kórsetti.

«Ahmet Baıtursynuly «Qazaq» gazetiniń bastaýynda turǵan tulǵa retinde otandyq baspasózdiń odan keıingi damýyna keń óris ashyp berdi. Ult ustazynyń ónegeli ómir joly – Otanǵa adal da qaltqysyz qyzmet jasaýdyń óshpes úlgisi. Alash arysynyń esimin máńgi este saqtap, onyń jasampaz isin jalǵastyrý – bizdiń boryshymyz», dedi E.Tileshov.

Is-shara barysynda «Ult ustazy – Ahmet Baıtursynuly» atty kitap kórmesi uıymdastyryldy.

Kópshilik kózaıymyna aınalǵan jaýhar jádigerlerdiń tusaýkeser rásimine kórnekti memleket jáne qoǵam qaıratkerleri, otandyq jáne sheteldik ǵylymı uıymdar men zııaly qaýym ókilderi qatysty.