Atalǵan doda Qazaqstan quramasy úshin sátti bastaldy. 1 000 metrlik qashyqtyqty 1 mınýt 17,98 sekýndta júgirip ótken Alına Daýranova bas júldeni oljalady. Nıderlandtyq Pen Hersman kúmis medaldi ıelense, ıtalııalyq Serena Perger qolaǵa qol sozdy. Sonymen qatar, jerlesimiz dál osy saıystyń jalpy esebinde de aldyna jan salmady.
Jalpy, sońǵy kezderi 19 jasar Alına óziniń óreli ónerimen jankúıerlerdi qýantyp jatyr. Byltyrǵy jyldyń qańtar aıynda ol Aýstralııada uıymdastyrylǵan álem chempıonatynda kúmis pen qola medaldi oljalasa, qarashada Fınlıandııada shymyldyǵy túrilgen Álem kýboginde altyn medaldi moınynda jarqyratty. Odan bólek, Daýranovanyń el spartakıadasy men birinshiliginiń jeńimpazy degen ataqtary taǵy bar.
