Mınıstr 2022 jyldyń qorytyndysy boıynsha talqylaýlardan keıin Qazaqstannyń Ulttyq qory tabysy teris nátıje kórsetkenin eskere otyryp, birneshe jyl ishinde ınvestısııalyq tabys balalar alatyn somanyń negizgi parametri retinde alynatynyn aıtty.
«О́kinishke qaraı, 2022 jyl Qazaqstannyń Ulttyq qoryn qosa alǵanda, álemdegi barlyq qorlar úshin sátti bolǵan joq. Osy faktordy eskere otyryp, biz Ulttyq bank sarapshylarymen birneshe jyl ishinde ınvestısııalardyń ortasha kiristiligin alamyz degen sheshimge keldik. Eger siz ortasha jyldyq kiristi alsańyz, onda ol árqashan oń bolǵan. Bir jyl ishinde ol 7 paıyzǵa ósti, bir jerde odan da joǵary, bir jerde tómen boldy. Biraq negizinen oń nátıje berdi. Sondyqtan biz laıyqty jáne turaqty tabys bolady dep kútemiz. Biz ony orta eseppen birneshe jylǵa alatyn bolamyz, dál osyndaı oń kiristilik qamtamasyz etiledi. Ol jyl saıyn balalardyń shottaryna aýdarylyp turady», dedi Álibek Qýantyrov.
Mınıstri balalar 18 jasqa tolǵan kezde shottarynda qandaı soma jınalýy múmkin ekendigin de aıtty.
«Eger biz 2024 jyldan bastap osy júıege kiretin bolsaq, balalardyń ártúrli jasyna baılanysty ár túrli kólemdegi kiris bolatynyn túsiný kerek. Eger bala júıege 17 jastan bastap tirkelse, shamamen 100-150 dollar alady. Eger balanyń jasy 5-te bolsa, 18 jasqa deıin odan da kóp qarjy jınaqtalady. Kishkentaı balalar birinshi jyly árqaısysy 100-150 dollar alsa da, dál osyndaı soma kelesi jyly da aýdarylady, oǵan qosa ótken jyldaǵy kiristiń taǵy 50 paıyzy qosylady. Bul jıyntyq somanyń barlyǵy qosymsha ınvestısııalanady. Ulttyq banktiń baǵalaýy boıynsha, 18 jyl ishinde shamamen 3,5 myń dollar jınaqtalady», dep naqtylady mınıstr.
Onyń aıtýynsha, balalarǵa arnalǵan shottar avtomatty túrde ashylady, qajetti derekter Ádilet mınıstrliginen alynady.
«Iаǵnı, bul úshin eshteńe isteýdiń qajeti joq. Biz bul eseptik jazbany belgili bir veb-saıt nemese qosymsha arqyly baqylaýdy josparlap otyrmyz. Bala oǵan qandaı aqsha eseptelgenin kóre alady, biraq ol kámeletke tolǵanǵa deıin bul aqshany paıdalana almaıdy. 18 jasqa tolǵannan keıin bala bul qarajatty bilim alý úshin nemese jyljymaıtyn múlik satyp alý úshin paıdalana alady», dep qosty mınıstr.
Bala qaıtys bolǵan jaǵdaıda jınaqtalǵan qarajatty otbasyndaǵy basqa balalar arasynda bólý nemese qamqorshy týystary men ata-analaryna berý josparlanyp otyr. Al balanyń azamattyǵy ózgergen jaǵdaıda aqsha Ulttyq qorda qalady.
Aıtolǵan JÚNISHAN,
L.N.Gýmılev atyndaǵy EUÝ stýdenti
