Geologııa, geofızıka, meteorologııa, muhıttaný jáne astronomııadan kúrdeli tapsyrmalar oryndap, bilimderin shyńdaǵan 100 oqýshy arasynan ozyp shyqqan syrboıylyq Araılym osy jyldyń jeltoqsan aıynda Italııada ótetin halyqaralyq kezeńde Qazaqstan quramasy sapynda el namysyn qorǵaıdy.
– Geografııa súıikti pánim. Pán muǵalimderi Sholpan Zákirova men Araı Nurbaevamen birge jasaǵan úzdiksiz daıyndyqtyń nátıjesinde bilimimdi jetildirip kelemin. Pándi tereńdeı oqyǵan saıyn geologııaǵa degen qyzyǵýshylyǵym da artty. Keleshekte jobalyq jumystarmen aınalysyp, tabıǵattyń túrli elementterin zerttegim keledi, – deıdi Araılym Qýandyq.
IESO – álemdegi eń bedeldi olımpıadanyń biri. 2007 jyldan bastap Koreıa, Ispanııa, Brazılııa, Japonııa, Fransııa, Reseı elderinde ótkizilgen bul bilim báıgesinde álemdegi eń úzdik jas geologter anyqtalǵan.
QYZYLORDA
