– Bizdi «Astana Operaǵa» shaqyrǵandaryna, 2018 jyldan beri jalǵasyp kele jatqan jobamyzǵa qyzyǵýshylyq tanytqandary úshin teatr basshylyǵyna rızashylyǵymyzdy bildiremiz. «Sýper áje» jobasy ájelerdi belsendi áleýmettik ortaǵa tartý boıynsha ózindik tájirıbe, zeınetke shyqqannan keıingi ómirge beıimdelý synaǵy ispetti. Búginde ájelerdiń úıde otyrýy mindetti emes, olar óz daryn-
daryn pash etip, sahnada óner kórsete alady. Bizdiń joba-baıqaýymyzdyń maqsaty – otbasynyń rólin nyǵaıtyp, onyń áleýmettik-mádenı qoǵamdyq keńistiktegi dárejesin kóterý, eski taptaýryndardy joıyp, adamdarǵa ómirdiń 60-tan keıin de jarqyn bola alatynyn jáne ár alýan sezimder syılaıtynyn kórsetý, – deıdi joba uıymdastyrýshysy Valentına Tolmacheva.
О́z kezeginde «Astana Opera» dırektorynyń orynbasary Aıjan Qurmanǵalıeva barlyq býynǵa elimizdiń qoǵamdyq jáne mádenı ómirine belsendi aralasýǵa múmkindik beretin mundaı bastamalarǵa qoldaý kórsetý teatr úshin asa mańyzdy ekenin atap ótti. «Jobanyń urpaqtar arasyndaǵy baılanysty nyǵaıtýǵa, bizdiń ulttyq kolorıtimizdi saqtaýǵa jáne óskeleń urpaqty salt-dástúrmen tanystyrýǵa baǵyttalǵany keremet», dedi dırektordyń orynbasary.
«Sýper áje» joba-baıqaýynyń avtory Valentına Tolmachevamen birge bul jobada Álııa Raıymberdıeva men Nazken Jırentaeva da jumys isteıdi. Joba-baıqaý Halyqaralyq áıelder kúni qarsańynda Saryarqa aýdany ákimdiginiń qoldaýymen ótedi. Mádenıet pen óner salasyndaǵy táýelsiz sarapshylardan qurylǵan qazylar alqasyna qatysýshy ájelerdiń ónerin 10 baldyq júıe boıynsha baǵalaýǵa týra keledi. Baıqaýdyń úsh aınalymynda úmitkerler birneshe kezeńnen ótýi kerek, máselen, «Súıikti áje» atty tanystyrý kezeńinde qatysýshynyń otbasy músheleri (balalary, nemereleri) óz otbasy men otbasylyq dástúrleri, óz ájesi týraly, onyń nemen áýestenetini týraly beınetanystyrylymda aıtyp berýge tıis. Qatysýshylar «Dámi til úıiredi» kezeńinde ózderiniń aspazdyq daryndaryn pash etedi. Al «Daryndar syńǵyrynda» (shyǵarmashylyq saıys) óz ónerin ortaǵa salyp, «Bal oryn alsyn» qorytyndy kezeńinde sándi kóılektermen jasanǵan ájeler sán úlgisin kórsetedi. Eń kóp upaı jınaǵan qatysýshy baıqaý jeńimpazy atanyp, oǵan «Sýper áje- 2023» ataǵy beriledi.
