Is kóp, sýdıa az

Asa aýyr qylmystardy qaraıtyn sot organy byltyr jasóspirimder men kámelet jasqa tolmaǵandarǵa qarsy jynystyq áreketterge barǵan 20 is boıynsha úkim kesken. Eń ókinishtisi, óńirde seksýaldyq jaǵdaıdaǵy qyl­mys­tardyń sany jyldan-jylǵa ósip barady.

Sot tóraǵasynyń aıtýyn­sha, munyń bárine kináli qoǵamdaǵy azǵyndyq. Al adamdardy ásirese, jastardyń tárbıesin buzyp jatqan kádimgi qalta telefony. Ata-anasynyń baqylaýynsyz qalǵan bala kúndiz-túni telefonnan shyq­paı, túrli áleýmettik jelige kirip, qylmyskerlerdiń arbaýyna túsip qalady. Kóbinese áleýmettik jelidegi jasyryn tanysý buryshtary arqyly balalar aram pıǵyldy jandardyń arbaýyna ózderi baıqamaı iligip qalyp jatady. Sondyqtan sot tóraǵasy ata-analarǵa bala tárbıesinde qyraǵy bolýǵa, barynsha telefondaǵy vırtýaldy álemnen alshaqtatýǵa shaqyryp otyr.

Sonymen birge ótken jyly kisi óltirý deregi boıynsha 25 qylmystyq is qaralǵan. Mundaı ister jalpy sotqa joldanǵan isterdiń 36 paıyzyn quraıdy. Sondaı-aq sot úkimimen memleket aqshasyn jymqyrǵan mádenıet basqarmasynyń bir­ne­she qyzmetkerine jaza taǵaıyn­daldy. Sybaılas jemqorlyqqa baılanysty bul qylmys halyq arasynda úlken qoǵamdyq rezonans týdyrǵan bolatyn.

Spıkerdiń málimdeýinshe, jyldan-jylǵa sotqa keletin ister sany kóbeıip barady. Máselen, byltyr 70 qylmystyq is qaralsa, 2021 jyly onyń sany 67 bolǵan. Sýdıalardyń jetispeýinen olarǵa júkteletin mindet te aýyrlaı túsken. Aı­ta­lyq, zań boıynsha bir sýdıa­nyń júktemesi aıyna 1,8 is bolsa, qazir ol 3,5-ke art­qan. О́tken jyly ár sýdıaǵa aıy­na 2,5 isten kelgen eken. О́ıt­keni joǵaryda aıtylǵandaı, qa­zir­gi tańda qylmystyq ister jó­nindegi mamandandyrylǵan aýdanaralyq sotynda bar-jo­­ǵy eki-aq sýdıa bar. Bul jo­ǵa­ry la­ýazymdy qyzmetke úshin­­shi mamandy taǵaıyndaý úshin Prezıdent Jarlyq shyǵa­rady. Al Memleket basshysyna usynysty Joǵary sot keńesi beredi. Brıfıngke málim bolǵandaı bul másele áli qaralý ústinde eken.

Sondaı-aq sýdıalar alqa bılerge qatysty da sóz qozǵady. Máselen, buryn asa aýyr qyl­mystyq ister 24 sanatqa bóli­netin. Qazir onyń sany 33-ke kóbeıgen. Osy rette alqa bı­lerdiń de sanyn arttyrý qajet­tigi týyndap otyr. Sony­men bir­ge sýdıalar alqa bıler­diń zańy­nan habary bar, qoǵam­dyq jumysta tájirıbesi mol, jaýap­kershilikti sezinetin azamattar bolǵany durys jáne onyń quramynda áıelder men erkek­terdiń araqatynasy teń bolsa degen oı-usynystaryn bildirdi.

ShYMKENT