Tótenshe jaǵdaılar mınıstrligi Seısmologııa ınstıtýty dırektorynyń orynbasary Nursársen О́zbekov Túrkııadaǵy joıqyn jer silkinisine qatysty pikir bildirdi. Mamannyń aıtýynsha, Anadolynyń taýly aımaǵy seısmıkalyq qaýipti aımaqtardyń biri bolyp sanalady. Onda kúshti jáne joıqyn jer silkinisi buryn da tirkelgen. Máselen, 1999 jyly Izmırde tirkelgen jer silkinisiniń kúshi 7,6 balldy quraǵan. 1992 jyly 100 myńnan asa adam turatyn Erzındjan qalasy mańynda 7-8 baldyq jer silkinisi bolǵan.
Qazir qalyń jurtty alańdatyp otyrǵan mundaı tabıǵı apat bizdiń elde, sonyń ishinde seısmıkalyq qaýipti aımaq Almaty qalasynda qaıtalanýy múmkin be degen saýal týyndap otyr.
Seısmologııa ınstıtýty dırektorynyń orynbasary Almatynyń ońtústik jáne ońtústik-shyǵys bólikteri seısmıkalyq belsendi, seısmıkalyq qaýipti aımaqta ornalasqanyn atap ótti. Esterińizge sala keteıik, 1887 jáne 1911 jyldary Almatyda eń qatty jer silkinsteri tirkelgen.
«Jaqynda ǵana Almaty polıgony aýmaǵynda jer silkinisiniń ortasha merzimdi boljamy boıynsha qorytyndy ázirledik, ol ýákiletti organdarǵa usynyldy. Osy qorytyndyǵa sáıkes, bıyl Almaty polıgony aýmaǵynda jeti baldyq jer silkinisi kútilmeıdi. Ǵylymı zertteýler boıynsha apta saıynǵy qysqa merzimdi qorytyndy jasalady, ol 200-den asa boljamdyq parametrlerdi taldaý negizinde qurastyrylady. Osy tujyrymdardy eskeretin bolsaq, aldaǵy aptada bári tynysh bolady», dedi Nursársen О́zbekov.
Aıta ketsek, seısmologııalyq boljamdar jylyna eki ret – jyl basynda jáne ortasynda qurastyrylady.
